बागमती प्रदेशले साना सार्वजनिक सवारी दर्ता खुलाउने, लाइसेन्स र ब्लूबुक सेवा अनलाइनमा ल्याइने

BFIS News
2026 Jun 15 18:23

बागमती प्रदेशले साना सार्वजनिक सवारी दर्ता खुलाउने, लाइसेन्स र ब्लूबुक सेवा अनलाइनमा ल्याइने

काठमाडौँ । बागमती प्रदेश सरकारले आगामी आर्थिक वर्ष २०८३/८४ को बजेटमार्फत साना सार्वजनिक सवारी साधनको दर्ता प्रक्रिया खुला गर्ने घोषणा गरेको छ।

Government of Bagmati Province का आर्थिक मामिला तथा योजना मन्त्री प्रभात तामाङले प्रदेशसभामा बजेट प्रस्तुत गर्दै आवश्यकताका आधारमा साना सार्वजनिक सवारी साधन दर्ता खुला गरिने बताएका हुन्।

सरकारले सवारी चालक अनुमति पत्र (लाइसेन्स) र ब्लूबुकसम्बन्धी सेवालाई नागरिक एपमार्फत अनलाइन प्रणालीमा उपलब्ध गराउने योजना पनि अघि सारेको छ। यसबाट सेवाग्राहीले कार्यालय धाउनुपर्ने झन्झट अन्त्य हुने अपेक्षा गरिएको छ।

बजेटमा सार्वजनिक यातायातलाई व्यवस्थित बनाउन नियमित यान्त्रिकीकरण, निजी क्षेत्रसँग सहकार्य, तथा सडक सुरक्षा सुधारका कार्यक्रम समावेश गरिएको छ। चालकको क्षमता अभिवृद्धि र सडक सुरक्षा सचेतना अभियानलाई समेत प्राथमिकतामा राखिएको छ।

त्यस्तै श्रम तथा रोजगारी क्षेत्रलाई ध्यान दिँदै वैदेशिक रोजगारीमा मृत्यु भएका नेपालीको शव स्वदेश ल्याउने प्रक्रिया सहज बनाइने र सबै स्थानीय तहमा श्रमिक दर्ता केन्द्र स्थापना गरिने योजना पनि बजेटमा समेटिएको छ।