राष्ट्र बैंकको रिपोर्ट: बैंकिङ प्रणालीमा गम्भीर कमजोरी र खराब कर्जा लुकाउने अभ्यास

काठमाडौं । नेपाल राष्ट्र बैंकले वाणिज्य बैंकहरूको खराब कर्जा (NPL) वास्तविकभन्दा कम देखिएको निष्कर्ष निकाल्दै बैंकिङ क्षेत्रमा गम्भीर अनियमितता र कमजोरी रहेको खुलासा गरेको छ।

केन्द्रीय बैंकको सुपरीवेक्षण प्रतिवेदन अनुसार बैंकहरूले पुरानो ऋण तिर्न नयाँ ऋण दिने (evergreening) अभ्यासमार्फत खराब कर्जा लुकाउने गरेको पाइएको छ। हाल बैंकहरूको कुल निष्क्रिय कर्जा करिब २ खर्ब २० अर्ब ३३ करोड रुपैयाँ पुगेको छ, जुन अघिल्लो वर्षभन्दा २२.४० प्रतिशतले बढी हो।

प्रतिवेदनमा ऋणको दुरुपयोग, धितो मूल्याङ्कनमा लापरबाही, आन्तरिक लेखापरीक्षणको कमजोरी, तथा सञ्चालक समितिको अनावश्यक हस्तक्षेप जस्ता समस्या देखिएको उल्लेख छ।

त्यस्तै, केही बैंकहरूले ऋणको पैसा उद्देश्यभन्दा फरक काममा प्रयोग हुन दिएको, सञ्चालक वा सम्बद्ध व्यक्तिको खातामा रकम सारिएको, तथा गलत वर्गीकरण गरेर खराब कर्जा लुकाइएको पाइएको छ।

राष्ट्र बैंकका अनुसार बैंकिङ प्रणालीमा पुरानो सफ्टवेयरको प्रयोग, साइबर सुरक्षा कमजोरी, नगद व्यवस्थापनमा लापरबाही, तथा जोखिम व्यवस्थापन योजनाको कार्यान्वयन नहुनु जस्ता समस्या पनि देखिएका छन्।

बैंकहरूको वित्तीय तथ्याङ्क र वास्तविक प्रणालीबीच फरक देखिएको, साथै सीईओको प्रभावका कारण आन्तरिक लेखापरीक्षण स्वतन्त्र हुन नसकेको पनि प्रतिवेदनमा उल्लेख छ।

राष्ट्र बैंकले अब प्रविधिमा आधारित आधुनिक सुपरीवेक्षण प्रणाली अपनाउने तयारी गरेको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

७० औं अन्तर्राष्ट्रिय भन्सार दिबसमा के एल दुगड समुहका श्याम सुन्दर कनोडिया सम्मानित

राजश्व राष्ट्रको रगत पसिना भएकोले बगेर गएको टुलुटुलु हेरेर बस्न सकिदैन : अर्थमन्त्री शर्मा