अधिक तरलता व्यवस्थापन गर्न राष्ट्र बैंकले फेरि १०० अर्ब रुपैयाँ खिच्ने

काठमाडौं । बैंकिङ प्रणालीमा अधिक तरलता कायम रहेपछि नेपाल राष्ट्र बैंकले निक्षेप संकलन उपकरणमार्फत फेरि १०० अर्ब रुपैयाँ खिच्ने भएको छ। यसका लागि साउन ६ गते दिउँसो ३ बजे बोलकबोल गरिने राष्ट्र बैंकले जनाएको छ।

बैंकिङ प्रणालीमा कर्जाको माग कमजोर रहँदा अधिक तरलता थुप्रिएको अवस्थालाई व्यवस्थापन गर्न नेपाल राष्ट्र बैंकले निक्षेप संकलन उपकरणमार्फत १०० अर्ब रुपैयाँ तान्न लागेको हो।

राष्ट्र बैंकका अनुसार निक्षेप दिन इच्छुक ‘क’, ‘ख’ र ‘ग’ वर्गका बैंक तथा वित्तीय संस्थाले न्यूनतम १० करोड रुपैयाँदेखि अधिकतम आह्वान गरिएको रकमसम्म बोलकबोल गर्न सक्नेछन्। बोलकबोल ५ करोड रुपैयाँले भाग गर्दा निःशेष भाग जाने रकममा गर्नुपर्ने व्यवस्था गरिएको छ।

निक्षेप संकलनको बोलकबोल ब्याजदरका आधारमा हुनेछ भने बहुब्याजदरमा पनि बहुबोलकबोल गर्न सकिने राष्ट्र बैंकले जनाएको छ।

यो ८३ दिने निक्षेप संकलन उपकरण को साँवा तथा ब्याज आगामी असोज २७ गते भुक्तानी गरिनेछ।

पछिल्लो समय कर्जाको माग अपेक्षाअनुसार बढ्न नसकेपछि बैंकिङ प्रणालीमा तरलता फालाफाल भएको छ। त्यसका कारण बैंक तथा वित्तीय संस्थाहरू करिब ३ प्रतिशत हाराहारीको ब्याजदरमै आफ्नो अतिरिक्त रकम राष्ट्र बैंकमा राख्न बाध्य भएका छन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?