सडकमै सुत्केरी प्रकरणपछि राजविराज अस्पतालका ६ कर्मचारी कामकाजबाट हटाइए

राजविराज । सप्तरीको राजविराजस्थित गजेन्द्रनारायण सिंह अस्पतालले सडकमै सुत्केरी भएको घटनापछि चिकित्सकसहित ६ कर्मचारीलाई कामकाजबाट हटाएको छ।

घटनाबारे गठित विभिन्न समितिको अन्तिम प्रतिवेदन नआएसम्म उनीहरूलाई जिम्मेवारीबाट अलग गरिएको अस्पताल प्रशासनले जनाएको छ।

अस्पतालका निमित्त मेडिकल सुपरिटेन्डेन्ट डा. रञ्जित झाका अनुसार डा. उषा देव, स्टाफ नर्स अनिता कुमारी साह र सजन चौधरी, कार्यालय सहयोगी रेणु ठाकुर, स्वीपर केष्णा मेहतर तथा सुरक्षा गार्ड देवकान्त झालाई कामकाजबाट हटाइएको हो।

डा. झाका अनुसार समितिहरूबाट अन्तिम प्रतिवेदन प्राप्त नभएसम्म र अर्को व्यवस्था नभएसम्मका लागि उनीहरूलाई कामकाजमा नलगाउने निर्णय गरिएको हो।

मंगलबार राति प्रसूति गराउन श्रीमान् हरेराम पासवानसँग अस्पताल पुगेकी बबिता पासवानले अस्पताल परिसरबाहिर सडकमा बच्चा जन्माएकी थिइन्। घटनापछि अस्पतालको सेवा व्यवस्थापन र कर्मचारीको भूमिकाबारे प्रश्न उठेको थियो।

बबिताको परिवारले रगत परीक्षणका लागि आवश्यक रकम आफूसँग नभएपछि अस्पतालबाट बाहिरिनुपरेको दाबी गरेको छ। तर अस्पताल प्रशासनले भने परिवारले राखेको उक्त दाबी सही नभएको जनाएको छ।

घटनाको वास्तविक अवस्था र सम्बन्धित कर्मचारीको भूमिकाबारे विभिन्न समितिको प्रतिवेदनपछि थप स्पष्ट हुने अस्पताल प्रशासनको भनाइ छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन