एनएमबी बैंकका सिइओ सुनिल केसीको वार्षिक तलब सुविधा २ करोड ४८ लाख, तीन दशक भन्दा लामो अनुभव

काठमाडौं । एनएमबी बैंकका प्रमुख कार्यकारी अधिकृत सुनिल केसीको वार्षिक तलब सुविधा २ करोड ४८ लाख रुपैयाँ रहेको छ । बैंकले सिइओ केसीलाई गत आर्थिक वर्ष २०७९/८० मा तलब बापत ९० लाख रुपैयाँ दिएको छ भने सञ्चयकोषमा ९ लाख रुपैयाँ जम्मा गरिदिएको छ ।

भत्ता बापत ८५ लाख रुपैयाँ दिएको छ । नियम अनुसार गत वर्षको मुनाफाबाट उनलाई बोनस बापत ६३ लाख ३६ हजार रुपैयाँ उपलब्ध गराइएको छ । अन्य ८२ हजार रुपैयाँ सहित कुल २ करोड ४८ लाख रुपैयाँ दिइएको बैंकले जनाएको छ ।

बैंकिङ क्षेत्रमा तीन दश भन्दा लामो समय विताइसकेका केसी बैंकर्स एसोसिएसनका अध्यक्ष समेत हुन् । बैंकले केसीलाई २०७३ सालमा पहिलो कार्यकालका लागि प्रमुख कार्यकारी अधिकृतमा नियुक्त गरेको थियो । अहिले उनको यो दोस्रो कार्यकाल हो । सिइओ बन्दा बैंकिङ क्षेत्रमा २७ वर्ष काम गरिसकेका थिए ।

केसीले तत्कालिन ग्रिण्डलेज (अहिलेको स्ट्यान्डर्ड चार्टर्ड) बैंकबाट करियर सुरु गरेका हुन्। सन् २००८ मा उनी फाइनान्सियल मार्केट हेड भएपछि एनएमबीमा नायव महाप्रबन्धकका रुपमा छिरेका थिए। बैंकमा प्रवेश गरेको केहि समयमै नायव प्रमुख कार्यकारी अधिकृतको जिम्मेवारी पाएका केसीले सबैलाई विश्वासमा लिएर काम गर्दै आइरहेका छन् । स्नातकसम्म विज्ञान पढेका केसीले पछि एमबिए गरेका हुन्।

मर्जरको बाढी चल्दा पनि आफुलाई अनरवरत रुपमा टिकाउन सकेका केसीले मर्जर पछि ठुला बनेका बैंकहरुलाई पनि टक्कर दिनेगरी काम गरेका छन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?