सर्वोत्तमको साधारणसभा आज, लाभांश प्रस्ताव पारित हुने

काठमाडौं। सर्वोत्तम सिमेन्ट लिमिटेडको पाँचौं वार्षिक साधारणसभा आज (वैशाख १२) बस्दैछ। सभा रुपन्देहीस्थित होटल सिद्धार्थ भिलासामा बिहान १० बजेदेखि सुरु हुनेछ।

सर्वोत्तमले आर्थिक वर्ष २०७९–८० सम्मको मुनाफाबाट शेयरधनीहरूलाई लाभांश दिने घोषणा गरेको छ। सो प्रस्ताव सभाले पारित गर्नेछ।

कम्पनीको गत चैत २० गते बसेको सञ्चालक समितिको बैठकले लाभांश दिने निर्णय गरेको थियो। कम्पनीले चुक्तापुँजीको १५ प्रतिशत नगद लाभांश (करसहित) दिने घोषणा गरेको हो।

सभामा गत आर्थिक वर्षको वित्तीय विवरणहरु पारित हुनुका साथै ५ जना संस्थापक र एक जना सर्वसाधारण शेयरधनीको तर्फबाट प्रतिनिधित्व गर्ने सञ्चालकको निर्वाचने गर्ने प्रस्ताव समेत पारित हुनेछ।

त्यसका साथै, चालू आवका लागि लेखापरीक्षक नियुक्ति र निजको पारिश्रमिक तोक्ने काम पनि सभाले गर्नेछ।

सभा तथा लाभांश प्रयोजनार्थ कम्पनीले गत चैत्र ३० गते बुकक्लोज गरिसकेको छ। तसर्थ चैत २९ गतेसम्म नेप्सेमा कारोबार भई कायम शेयरधनीले सभामा सहभागी हुन र घोषित लाभांश पाउन सक्नेछन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन