सपोर्ट लघुवित्तको नाफामा उछाल, यस्तो छ संस्थाका तेस्रो त्रैमाससम्मको वित्तीय विवरण

काठमाडौं । सपोर्ट लघुवित्त वित्तीय संस्था लिमिटेडको खुद नाफामा उछाल आएको छ। संस्थाले सार्वजनिक गरेको चालु आर्थिक वर्षको तेस्रो त्रैमाससम्मको वित्तीय विवरणमा ९४.८९ प्रतिशतको वृद्धि देखिएको हो।

सो अवधिमा उसले १ करोड २३ लाख रुपैयाँ खुद नाफा आर्जन गरेको छ। अघिल्लो आवको सोही अवधिमा संस्थाले ६३ लाख ३१ हजार रुपैयाँ खुद नाफा आर्जन गरेको थियो।
 
संस्थाको खुद ब्याज आम्दानी ८.७८ प्रतिशतले वृद्धि भएर ४ करोड ९१ लाख रुपैयाँ पुगेको छ। संस्थाको कर्मचारी खर्च ४ करोड र अन्य सञ्चालन खर्च १ करोड ५२ लाख रुपैयाँ रहेको छ।

सञ्चालन आम्दानी ८९.३५ प्रतिशत बढेको छ। त्यसैगरी, समीक्षा अवधिमा लघुवित्तको कुल सञ्चालन आम्दानी २४.१० प्रतिशत बढेको छ भने सञ्चालन मुनाफा १२०.९३ प्रतिशत बढेको छ।

अघिल्लो आवको तेस्रो त्रैमाससम्म ३ करोड ६५ लाख रुपैयाँ रहेको संस्थाको रिजर्भको आकार बढेर ५ करोड ७९ लाख रुपैयाँ पुगेको छ । संस्थाको खराब कर्जा अनुपात ३.२५ प्रतिशतबाट घटेर १.४७ प्रतिशतमा सीमित बनेको छ।

नाफासँगै लघुवित्तको प्रतिशेयर आम्दानी पनि बढेको छ। समीक्षा अवधिमा लघुवित्तको यस्तो आम्दानी ८ रुपैयाँ ४१ पैसा बढेर १७ रुपैयाँ २८ पैसा पुगेको छ। सो अवधिसम्ममा लघुवित्तको मूल्य आम्दानी अनुपात ७७.९७ गुणा रहेको छ भने प्रतिशेयर नेटवर्थ २२ रुपैयाँ ४० पैसा रहेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?