'इन-ड्राइभ'द्वारा नेपालमा आधिकारिक सेवा सुरुवातको घोषणा, अब राइडरबाट १० प्रतिशत शुल्क लिने

काठमाडौं । राइड सेयरिङ एप इन-ड्राइभले नेपालमा औपचारिक प्रवेशको घोषणा गरेको छ। सोमबार एक कार्यक्रम आयोजना गर्दै इन-ड्राइभले औपचारिक रूपमा भित्रिएको घोषणा गरेको हो।

इन-ड्राइभले अब राइडरसँग १० प्रतिशत शुल्क पनि लिने भएको छ। इन-ड्राइभ एसिया प्यासिफिक कम्युनिकेसन्स लिड पवित नन्दा आनन्दले केही समय परीक्षणका लागि भए पनि अब औपचारिक रूपमा आएको बताइन्।

यसअघि पठाओले राइडरसँग शुल्क लिने गरे पनि इन-ड्राइभले लिने गरेको थिएन।

नेपालका लागि कम्पनीकी निर्देशक रीता पोखरेलले केही समयपछि चालक र यात्रुको बीमा पनि गरिने बताइन्। उनले राइडरहरुले सेवा उपयोग गरे वापत कम्पनीलाई १० प्रतिशत सेवा शुल्क बुझाउनुपर्ने समेत जानकारी दिइन्।

कम्पनीले भुक्तानी सेवा प्रदायक आइएमई पेसँग सहकार्य गर्ने घोषणा पनि गरेको छ ।

हालसम्म इन-ड्राइभमा मोटरसाइकल र ट्याक्सी गरी ७० हजार बढी राइडर दर्ता भएका छन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन