सिटी होटलको नोक्सानीमा सुधार, सञ्चालन आम्दानी बढ्यो

काठमाडौं । सिटी होटलले नोक्सानीमा सुधार गरेको छ। चालु आर्थिक वर्षको तेस्रो त्रैमाससम्मको वित्तीय विवरणमा होटलले १५ करोड ३७ लाख रुपैयाँ नोक्सानी बेहोरेको देखिएको छ। अघिल्लो आर्थिक वर्षको सोही अवधिमा होटलले २१ करोड ६१ लाख रुपैयाँ नोक्सनी बेहोरेको थियो ।

कम्पनीको सञ्चालन आम्दानी बढेसँगै नोक्सानी घटेको हो ।

सञ्चालन आम्दानी भने १३.१५ प्रतिशतले बढेर ३७ करोड २ लाख रुपैयाँ पुगेको छ। गत वर्ष होटलको सञ्चान आम्दानी ३२ करोड ७२ लाख रुपैयाँ थियो।

होटलको कुल आम्दानी २२.९३ प्रतिशत बढेको छ भने कुल खर्च १७.७२ प्रतिशत बढेको छ। होटलको वित्तीय खर्च समीक्षा अवधिमा ३.११ प्रतिशत घटेको छ। १ अर्ब ६७ करोड ४० लाख रुपैयाँ चुक्ता पूँजी रहेको होटलको अन्य इक्विटी ९ करोड ४३ लाख रुपैयाँ ऋणात्मक रहेको छ।

चैत मसान्तसम्ममा होटलको प्रतिशेयर आम्दानी १२ रुपैयाँ २४ पैसा ऋणात्मक रहेको छ भने प्रतिशेयर नेटवर्थ ९४ रुपैयाँ ३६ पैसा रहेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन