युनाइटेड मोदी हाइड्रोपावरले पुन: बोलायो साधारण सभा, शतप्रतिशत हकप्रद जारी गर्ने मुख्य प्रस्ताव

काठमाडौं । यसअघि गणपूरक संख्या नपुगेपछि स्थगित साधारण सभा आयोजनाको लागि युनाइटेड मोदी हाइड्रोपावर लिमिटेडले अर्को मिति तय गरेको छ। हाइड्रोपावर अब जेठ २७ गते काठमाडौंको कालिमाटीस्थित कालिमाटी ब्याङ्क्वेटमा बिहान ११ बजे बस्ने गरी सभा बोलाएको हो।

सभामा कम्पनीको सेयर लगानी रहेको युनाइटेड मेवाखोला हाइड्रोपावरद्वारा प्रवर्द्धित ५० मेगावाटको मेवाखोला जलविद्युत आयोजनामा लगानी गर्नका लागि हाल कायम चुक्तापूँजी १ अर्ब २३ करोड ५ लाख रुपैयाँको १:१ अनुपात (शतप्रतिशत) मा १ करोड २३ लाख ५ हजार कित्ता हकप्रद सेयर जारी गर्ने र हकप्रद निष्काशनका लागि कम्पनीको अधिकृत तथा जारी पूँजी वृद्धि गर्ने प्रस्ताव पारित हुनेछ।

यस्तै सभामा सञ्चालक समितिका तर्फबाट अध्यक्षद्वारा प्रस्तुत हुने गत आवको वार्षिक प्रतिवेदनमाथि छलफल गरी पारित गरिनुका साथै सो अवधिको वित्तीय विवरणहरु पारित गरी चालू आवका लागि लेखापरीक्षकको नियुक्ती तथा पारिश्रमिक निर्धारण गर्ने प्रस्ताव पारित गरिनेछ ।  

सभामा ४ जना सञ्चालकको निर्वाचन गर्ने प्रस्ताव र अन्य लगानीयोग्य क्षेत्र पहिचान गरी लगानी गर्नुपरेमा सञ्चालक समितिलाई अख्तियारी प्रदान गरिनेछ।

सभा प्रयोजनार्थ कम्पनीले गत चैत्र ७ गते बुक क्लोज गरिसकेको छ। चैत्र ६ गतेसम्म कायम सेयरधनीले सभामा भाग लिन पाउनेछन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन