त्रिभुवन अन्तर्राष्ट्रिय विमानस्थलमा संकटकालीन उद्धार अभ्यास गरिँदै, आधा घण्टा बन्द रहने

काठमाडौं । त्रिभुवन अन्तर्राष्ट्रिय विमानस्थलमा आज संकटकालीन उद्धार अभ्यास गरिने भएको छ। यसका लागि विमानस्थल आधा घण्टाका लागि बन्द हुने भएको छ। नेपाल नागरिक उड्डयन प्राधिकरणले दिउँसो १ बजेदेखि आधा घण्टाका लागि विमानस्थल बन्द रहने जनाएको छ।

'हवाई उडान तथा सुरक्षा र मेडिकल एवं उद्धारसँग सम्बद्ध विभिन्न निकायहरुको सहभागितामा विमानस्थल संकटकालिन योजना अनुसार गरिने विभिन्न अभ्यासहरु मध्ये Alert 9.3.1 (Aircraft accident in Airport) सम्बन्धी पूर्णकालिन अभ्यास हुनेछ', प्राधिकरणले भनेको छ।

अभ्यासको मूख्य उद्देश्य संकटको अवस्थामा सहभागी हुने विभिन्न निकायहरु बीच सहयोगको अभिवृद्धि गराउने तथा सहभागी निकायहरुले निर्वाह गर्ने भूमिका तथा जिम्मेवारीको मूल्याङ्कन गरी सम्बद्ध पक्षको क्षमतामा अभिवृद्धि गराइ यस्तो दुर्घटनाको अवस्थामा जनधनको क्षति न्यून गराउने र विमानस्थलको संचालन छिटो भन्दा छिटो सुचारु गराउने रहेको पनि प्राधिकरणले जनाएको छ।

अभ्यासको सिलसिलामा विमानस्थल वरिपरिको आकाशमा कालो धुवाँका साथै दमकल, सुरक्षाकर्मी, एम्बुलेन्स तथा अन्य गतिविधिमा तिव्रता आएको देख्न सकिने पनि प्राधिकरणले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन