![$adHeader[0]['title']](https://www.bfisnews.com/images/bigyapan/1759825227_1100x100.gif)
श्री एयरलाइन्सले थप्यो ८० सिटे विमान
- BFIS News
- 2024 Jun 22 12:43
काठमाडौं । श्री एयरलाइन्सले नयाँ विमान थपेको छ। एयरलाइन्सले ८० सिटे विमान थपेको हो। क्यानडाको तत्कालीन बम्बार्डियर हाल डी हाभिलैण्ड अफ क्यानडामा निर्मित विमानको कल साइन 'नाइनएन एओएम' थपिएको हो।
क्यु ४००-८ विमान आरामदायी र सुरक्षित हुनुका साथै कम ध्वनी अनुभूति हुने श्री एयरलाइन्सका प्रवन्ध निर्देशक (कर्पोरेट) अनिल मानन्धरले जानकारी दिए। शुक्रबार राति १ बजे विमान काठमाडौं अवतरण गरेको हो।
उनका अनुसार नागरिक उड्डयन प्राधिकरणका प्रक्रियाहरु पूरा गरी उक्त विमानबाट श्री एयरलाइन्सले आफ्ना आन्तरिक सेवाको गन्तव्यहरुमा थप उडान गर्नेछ।
सन् २०१७ देखि सेवा सुरु गरेको श्री एयरलाइन्सले हाल सिआरजे २००/७०० तथा क्यु ४०० विमानहरूबाट देशका विभिन्न ठाउँमा उडान गरिरहेको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया