![$adHeader[0]['title']](https://www.bfisnews.com/images/bigyapan/1759825227_1100x100.gif)
मानुषी लघुवित्तको 'लक–इन' अवधि आजदेखि समाप्त
- BFIS News
- 2024 Aug 23 08:03
काठमाडौं। मानुषी लघुवित्तको सेयरको लक–इन अवधि आजदेखि समाप्त भएको छ। संस्थाको संस्थापक सेयरधनीको स्वामित्वमा रहेको ७ लाख कित्ता र कर्मचारीको स्वामित्वमा रहेको ५ हजार ४६९ कित्ता गरी कुल ७ लाख ५ हजार ४६९ कित्ता सेयरको लक–इन अवधि समाप्त भएको हो।
संस्थाले २०७८ साउन २७ गतेदेखि साउन ३१ गतेसम्म सर्वसाधारण (कर्मचारी समेत) लाई आइपिआो निष्कासन गरेको थियो। उक्त आइपिओ २०७८ भदौ ७ गते बाँडफाँट गरिएको थियो।
सर्वसाधारणका लागि निष्कासन गरि बाँडफाँट गरिएको मितिले ३ वर्ष समाप्त नभएसम्म संस्थापक सेयरधनीले धारण गरेको र कर्मचारीलाई बाँडफाँट गरिएको सेयर लक-इनमा राख्नु पर्ने व्यवस्था भएबमोजिम उक्त सेयर लक-इनमा राखिएको हो।
लक–इन समाप्त भएसँगै यी सेयर दोस्रो बजारमा कारोबारमा आउनेछन्। तर संस्थाको संस्थापक सेयर सदस्यमध्ये सञ्चालक सदस्यमा रहेका व्यक्ति तथा संस्थाको उच्च तहमा रहेका कर्मचारीले भने सेयर खरिद-बिक्री गर्न नपाउने संस्थाले स्पष्ट पारेको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया