नेपालमा १६ वर्ष सेवा दिएको बुद्धको एटिआर-४२ जहाजलाई वाटर स्यालुटसहित गरियो बिदाइ

काठमाडौं । बुद्ध एयरले १६ वर्षदेखि उडाइरहेको 'एटिआर ४२ नाइन एन–एआइन' जहाजको बिदाइ गरेको छ। यो जहाज ७० हजार उडान साइकल पूरा गरेपछि बुद्धले मंगलबार बिदाइ गरेको हो।

मंगलबार बिहान त्रिभुवन अन्तर्राष्ट्रिय विमानस्थलमा एक समारोहबीच सम्मानस्वरूप पानीको फोहोराले सलामी(वाटर स्यालुट) दिएर उक्त जहाजलाई बिदा गरिएको हो । आन्तरिक उडानमा बुद्ध एयरले सन् २००८ मा भित्र्याएको यो उसको पहिलो एटीआर विमान थियो ।

सन् २००८ सेप्टेम्बर १७ मा माउन्टेन फ्लाइटमार्फत उक्त जहाजले व्यावसायिक उडान थालेको थियो। नेपाली आकाशमा उडान सुरू गरेको १६ वर्षपछि जहाजको 'उडान साइकल' समाप्त भएको हो।

जहाजले आज काठमाडौंबाट अन्तिम माउन्टेन फ्लाइट पनि गरेको छ। माउन्टेन उडानमा एटिआर कम्पनीका प्रतिनिधिहरू र केही गेस्ट रहेका थिए।

नेपाली आकाशमा ४० हजार उडान साइकलमार्फत उडान गरेको नाइन एन–एआइएन जहाजले नेपाल आउनुभन्दा पहिले ३० हजार उडान साइकल उडान गरेको थियो।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन