लगानी बोर्डको प्रमुख कार्यकारी अधिकृतमा ज्ञवालीलाई नियुक्त गर्ने सरकारको निर्णय

काठमाडौं । लगानी बोर्डको प्रमुख कार्यकारी अधिकृत (सिइओ) मा सुशील ज्ञवाली नियुक्त भएका छन्। बिहीबार साँझ बसेको मन्त्रिपरिषद बैठकले ज्ञवालीलाई सिइओ नियुक्त गर्ने निर्णय गरेको एक मन्त्रीले जानकारी दिए।

यसअघि सुशील भट्टको कार्यकाल सकिएसँगै सरकारले सिइओ पदमा आवेदन खुलाएको थियो।

सिइओका लागि आठ जनाको आवेदन परेको थियो। जसमध्येबाट सुशील ज्ञवाली, भीष्मराज ढुंगाना, रघुराज काफ्ले, विष्णुप्रसाद भट्टराई र रामदेव यादव सर्ट लिस्टमा परेका थिए।

त्यसमध्येबाट पनि तीनजनाको नाम मन्त्रिपरिषदमा पठाइएकोमा ज्ञवालीलाई नियुक्त गरिएको हो।

ज्ञवाली यसअघि राष्ट्रिय पुनर्निर्माण प्राधिकरणका प्रमुख कार्यकारी अधिकृत रहेका थिए। उनी प्रधानमन्त्री केपी शर्मा ओली र अर्थमन्त्री विष्णु पौडेलनिकट मानिन्छन्।

सरकारले यस पटक प्रमुख कार्यकारी सिफारिससम्बन्धी कार्यविधि २०८१ बनाएरै नियुक्ति प्रक्रिया अघि बढाएको थियो।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन