दुई ब्रोकर एशोसिएसन एक भए, नयाँ र पुराना एउटै छाता संघठनमा

काठमाडौं । धितोपत्र दलाल व्यवसायी (ब्रोकर) कम्पनीहरूको दुईओटा संगठन गाभिएका छन् । स्टक ब्रोकर एशोसिएसन अफ नेपाल र धितोपत्र ब्रोकर्स एशोसिएसन नेपाल एक भएका हुन् । यी दुई संगठनले आज एक कार्यक्रमको आयोजना गर्दै एक हुने सम्झौतापत्रमा हस्ताक्षर गरेका हुन् । 

चार बुँदे उक्त सम्झौतापत्रमा स्टक ब्रोकर एशोसिएसन अफ नेपालका अध्यक्ष धर्मराज सापकोटा र धितोपत्र ब्रोकर्स एशोसिएसन नेपालका अध्यक्ष सागर ढकालले हस्ताक्षर गरेका छन् । 

उक्त सम्झौतापत्रमा ३१ वर्षको लामो इतिहास बोकेको स्टक ब्रोकर एशोसिएसन अफ नेपाललाई सम्पूर्ण धितोपत्र व्यवसायी धितोपत्र दलाल तथा धितोपत्र व्यापारीहरूको साझा व्यवसायिक संघको रूपमा अघि बढाउने उल्लेख छ । 

धितोपत्र ब्रोकर्स एशोसिएसन नेपालमा सदस्य रहेका सबै धितोपत्र दलाल व्यवसायीलाई स्टक ब्रोकर एशोसिएसन अफ नेपालले एकमुष्ट रूपमा सदस्यता दिने, धितोपत्र ब्रोकर्स एशोसिएसन नेपाललाई संस्थागत सामाजिक उत्तरदायित्व र लगानीकर्ता शिक्षा तथा सचेतना अन्तर्गतका कार्यक्रम सञ्चालन गर्ने अंगको रूपमा अगाडि बढाउनुका साथै दुवै एशोसिएसनमा हाल सदस्य नभएका धितोपत्र व्यवसायीहरुलाई स्टक ब्रोकर्स एशोसिएसन अफ नेपालको सदस्यता लिन आह्वान तथा सहजीकरण गरिने बुँदा पनि सम्झौतापत्रमा समेटिएको छ । 

शुरुका दिनमा नमिल्ने मनसायले छुट्टै संघ खोलेर अघि बढेका नयाँ ब्रोकरहरू पुरानोमै जोडिएर व्यवसायिक संघको रूपमा अघि बढ्न लागेका हुन् ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?