नेपाल इन्स्योरेन्सको १५ प्रतिशत बोनस शेयर घोषणा, न्युनतम पूँजी जुटाउन ३४ प्रतिशत हकप्रद आवश्यक

काठमाडौं । नेपाल इन्स्योरेन्स कम्पनीले चुक्ता पूँजीको १५ प्रतिशत बोनस शेयर घोषणा गरेको छ । इन्स्योरेन्सले हाल कायम चुक्ता पूँजीको १५ प्रतिशतका दरले बोनस शेयर र सोको कर प्रयोजनार्थ ०.७९ प्रतिशतका दरले नगद लाभांश वितरण गर्ने घोषणा गरेको हो।

फागुन २४ गते बसेको इन्स्योरेन्सको सञ्चालक समितिको बैठकले सो दरमा लाभांश वितरण गर्ने निर्णय गरेको हो। नेपाल बीमा प्राधिकरणबाट स्वीकृत भई आगामी वार्षिक साधारण सभाले पारित गरेपश्चात सो दरमा लाभांश वितरण गरिनेछ।

हाल कम्पनीको चुक्ता पूँजी एक अर्ब ६३ करोड रहेको छ । प्रस्तावित बोनस शेयर विरण पश्चात कम्पनीको चुक्ता पूँजी एक अर्ब ८७ करोड रहेको छ । नेपाल बीमा प्राधिकरणले निर्धारण गरेको न्युनतम चुक्ता पूँजी जुटाउन अझै ६२ करोड आवश्यक पर्नेछ । यसका लागि कम्पनीले ३३.३६ प्रतिशत हकप्रद शेयर निष्काशन गर्नु पर्ने देखिएको छ । 

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?