हिमालयन बैंकको एफपीओ बाँडफाँड, ९ लाख २५ हजारले पाए १० कित्ता, तपाईलाई पर्यो यसरी हेर्नुहोस् नतिजा

काठमाडौं, साउन १३ – हिमालयन बैंक लिमिटेडको प्रारम्भिक सार्वजनिक निष्कासन (एफपीओ) आज मंगलबार बाँडफाँड गरिएको छ। कमलादीस्थित बैंकको कर्पोरेट कार्यालयमा बिहान आयोजित कार्यक्रममार्फत एफपीओ बाँडफाँड गरिएको हो।

बैंकले प्रतिकित्ता १०० रुपैयाँमा ५७ रुपैयाँ प्रिमियम थप गरी १५७ रुपैयाँमा एफपीओ निष्काशन गरेको थियो। असार ३१ गतेदेखि साउन ४ गतेसम्म सार्वजनिक निष्काशन खुला गरिएको उक्त एफपीओमार्फत कुल ९२ लाख ५० हजार ४६९ कित्ता शेयर जारी गरिएको थियो।

एफपीओमा कुल १८ लाख २५ हजार ९२२ जना लगानीकर्ताले ३ करोड ८५ लाख ९१ हजार १६० कित्ता शेयरका लागि आवेदन दिएका थिए। तीमध्ये १७ लाख ४ हजार २७३ जनाको आवेदन स्वीकृत भएको छ भने बाँकी आवेदन रद्द गरिएको छ।

मागभन्दा बढी आवेदन परेको हुनाले बाँडफाँड गोलाप्रथामार्फत गरिएको हो। सो प्रक्रिया अनुसार कुल ९ लाख २५ हजार ४६ जना लगानीकर्ताले १० कित्ताका दरले शेयर प्राप्त गरेका छन्।

त्यस्तै, बाँकी रहेको ९ कित्ता शेयर २० कित्ताका लागि आवेदन दिने लगानीकर्तामध्येबाट ९ जनालाई थप १ कित्ता अर्थात् ११ कित्ताका दरले बाँडफाँड गरिएको छ।

यसरी एफपीओ बाँडफाँड प्रक्रियाबाट धेरै लगानीकर्ताले न्यूनतम शेयर प्राप्त गरेका छन् भने अत्यधिक मागले गर्दा थोरै मात्रामा शेयर बाँडफाँड गरिएको हो। शेयर परे नपरेको नतिजा सिडिएससीले तयार पारेको अनलाइन एप्लिकेसनबाट हेर्न सकिन्छ। 

नतिजा हेर्नका लागि यहाँ क्लिक गर्नुहोस्। 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?