![$adHeader[0]['title']](https://www.bfisnews.com/images/bigyapan/1759825227_1100x100.gif)
एनएमबी लघुवित्त नाफामा फर्कियो, वार्षिक आम्दानी ४३ करोड ५५ लाख रुपैयाँ
- BFIS News
- 2025 Aug 08 12:40
काठमाडौं । एनएमबी लघुवित्त वित्तीय संस्था लिमिटेड (NMBMF) ले आर्थिक वर्ष २०८१/८२ को चौथो त्रैमासमा उल्लेखनीय सुधार गर्दै अघिल्लो वर्षको घाटाबाट नाफामा फर्किएको छ।
कम्पनीले समीक्षा अवधिमा ६ करोड ३८ लाख रुपैयाँ खुद नाफा कमाएको छ, जबकि अघिल्लो वर्षको सोही अवधिमा ५ करोड २९ लाख रुपैयाँ घाटा भएको थियो।
कम्पनीको मुख्य आम्दानी — खुद ब्याज आम्दानी — ६१.८३ प्रतिशतले बढेर ४३ करोड ५५ लाख रुपैयाँ पुगेको छ, जुन अघिल्लो वर्षको सोही अवधिमा २६ करोड ९१ लाख रुपैयाँ थियो। यसमा कर्जा तथा निक्षेपमा आएको वृद्धि मुख्य कारण हो। ग्राहकलाई प्रवाह गरिएको कर्जा २७.०२ प्रतिशतले बढेर ६ अर्ब ७५ करोड रुपैयाँ पुगेको छ भने निक्षेप १७.५७ प्रतिशतले बढेर १ अर्ब ५६ करोड रुपैयाँ पुगेको छ। यस अवधिमा ऋण लिएको रकम पनि २७.८३ प्रतिशतले बढेर ४ अर्ब ३३ करोड रुपैयाँ पुगेको छ।
जगेडा नोक्सानी घट्दै कम्पनीको सञ्चित नाफा २० लाख २६ हजार रुपैयाँमा पुगेको छ, जुन अघिल्लो वर्षमा ऋणात्मक ६ करोड ३१ लाख रुपैयाँ थियो। जगेडा कोष ७.३९ प्रतिशतले बढेर २१ करोड ८० लाख रुपैयाँ पुगेको छ। यद्यपि, ह्रासखाता (impairment) खर्च १७५.४३ प्रतिशतले बढेर ३ करोड ५ लाख रुपैयाँ भएको छ।
समीक्षा अवधिमा कम्पनीको सम्पत्ति गुणस्तर सुधार भएको छ। असुल नहुने कर्जा (NPL) अनुपात ६.३५ प्रतिशतबाट घटेर ४.४३ प्रतिशतमा आएको छ। त्यस्तै, कोषको लागत (Cost of Funds) ९.४४ प्रतिशतबाट घटेर ७.२८ प्रतिशतमा झरेको छ।
गत असार मसान्तसम्म कम्पनीको प्रतिशेयर आम्दानी ८ रुपैयाँ ८५ पैसा पुगेको छ, जुन अघिल्लो वर्षको ऋणात्मक ७ रुपैयाँ ३३ पैसाबाट सुधार भएको हो। प्रतिशेयर नेटवर्थ पनि ८.५८ प्रतिशतले बढेर १४० रुपैयाँ ६१ पैसा पुगेको छ।
समीक्षा अवधिको अन्त्यमा कम्पनीको मूल्य–आम्दानी अनुपात (P/E Ratio) ८४.२० गुणा रहेको छ भने बजार मूल्य प्रतिशेयर ७४५ रुपैयाँ १३ पैसा थियो।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया