सर्वोत्तम सिमेन्टको मुनाफा ५७२ प्रतिशतले बढ्यो, प्रतिशेयर आम्दानी २० रुपैयाँ: हरेक सूचकमा सुधार

BFIS News
2025 Aug 18 10:57

सर्वोत्तम सिमेन्टको मुनाफा ५७२ प्रतिशतले बढ्यो, प्रतिशेयर आम्दानी २० रुपैयाँ: हरेक सूचकमा सुधार

काठमाडौं – सर्वोत्तम सिमेन्ट लिमिटेड (SARBTM) ले आर्थिक वर्ष २०८०/८१ को चौथो त्रैमाससम्मको अपरिष्कृत वित्तीय विवरण सार्वजनिक गरेको छ। विवरण अनुसार कम्पनीले सो अवधिसम्ममा १ अर्ब ४५ लाख रुपैयाँ खुद नाफा कमाउन सफल भएको छ।

यो नाफा अघिल्लो आर्थिक वर्षको तुलनामा उल्लेख्य वृद्धि हो। आर्थिक वर्ष २०७९/८० को अन्त्यसम्म कम्पनीले १४ करोड ९३ लाख रुपैयाँ मात्र खुद नाफा कमाएको थियो। त्यसको तुलनामा चालु आर्थिक वर्षमा कम्पनीको नाफा ५७२.५२ प्रतिशतले वृद्धि भएको हो।

कम्पनीले नाफामा देखिएको यो उच्च वृद्धिको प्रमुख कारण बिक्री आम्दानीमा आएको वृद्धिलाई मानेको छ। समीक्षा अवधिमा कम्पनीको बिक्री आम्दानी ४९.८७ प्रतिशतले वृद्धि भएर ९ अर्ब ५५ करोड रुपैयाँ पुगेको छ। त्यस्तै, कुल नाफा १७३.०१ प्रतिशत र अन्य आम्दानी २१८.०२ प्रतिशतले बढेको कम्पनीले जनाएको छ। यता, खर्चतर्फ भने कम्पनीको कुल खर्च ५४.३८ प्रतिशतले बढेको छ।

नाफामा आएको वृद्धिसँगै कम्पनीको प्रतिशेयर आम्दानी (EPS) पनि उल्लेख्य रूपमा बढेको छ। अघिल्लो वर्षको तुलनामा १६ रुपैयाँ ९८ पैसाले वृद्धि भई यो वर्षको चौथो त्रैमाससम्म प्रतिशेयर आम्दानी २० रुपैयाँ १९ पैसा पुगेको छ। यस अवधिसम्ममा कम्पनीको प्रतिशेयर नेटवर्थ २०२ रुपैयाँ रहेको छ।

हाल कम्पनीको चुक्ता पूँजी ४ अर्ब ९७ करोड ५५ लाख रुपैयाँ रहेको छ भने अन्य इक्विटी ४ अर्ब ७३ करोड ७९ लाख रुपैयाँ रहेको छ। सर्वोत्तम सिमेन्टले देखाएको यो वित्तीय सुधार लगानीकर्ताका लागि सकारात्मक संकेतका रूपमा हेरिएको छ।