प्रभु क्यापिटलले प्रभु सेलेक्ट फण्ड र प्रभु स्मार्ट फण्डको लाभांशका लागि बुक क्लोज घोषणा

काठमाडौं, भदौ ६।  प्रभु क्यापिटल लिमिटेडले आफ्ना बन्दमुखी म्युचुअल फण्ड योजना प्रभु सेलेक्ट फण्ड (PSF) र प्रभु स्मार्ट फण्ड (PRSF) को प्रस्तावित लाभांश वितरणका लागि बुक क्लोज मिति घोषणा गरेको छ।

कम्पनीका अनुसार लाभांश प्राप्त गर्न भदौ १३ गतेसम्म नामावलीमा रहेका इकाईधनी योग्य हुनेछन्। यसका लागि बुक क्लोज मिति भदौ १५ तोकिएको छ।

प्रभु क्यापिटलको सञ्चालक समितिको निर्णय अनुसार, प्रभु सेलेक्ट फण्डका इकाईधनीलाई १२ प्रतिशत नगद लाभांश वितरण गरिनेछ। त्यस्तै, प्रभु स्मार्ट फण्डका इकाईधनीलाई करसहित १० प्रतिशत नगद लाभांश वितरण गर्ने निर्णय भएको छ।

प्रभु सेलेक्ट फण्ड ७ वर्षे अवधिको बन्दमुखी योजना हो भने प्रभु स्मार्ट फण्ड १० वर्षे अवधिको बन्दमुखी योजना हो। यी दुवै फण्ड प्रभु बैंक लिमिटेडद्वारा प्रवर्द्धित र प्रभु क्यापिटल लिमिटेडद्वारा सञ्चालित रहेका छन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन