आज पूर्ण चन्द्रग्रहण, दिउँसो १:११ बजेपछि भोजन नगर्न सुझाव

काठमाडौं । नेपाल पञ्चांग निर्णायक विकास समितिले आज पूर्ण चन्द्रग्रहण (खग्रास) लाग्ने जनाएको छ। समितिले जारी गरेको पञ्चांगअनुसार ग्रहण राति १०:११ बजे स्पर्श गर्नेछ। राति ११:५६ बजे ग्रहणको मध्य चरण रहनेछ भने राति १:४१ बजे समाप्त हुनेछ।

समितिका अनुसार करिब साढे तीन घण्टासम्म काठमाडौंबाट चन्द्रग्रहण अवलोकन गर्न सकिनेछ। २०८२ सालको यो पहिलो ग्रहण हो। समितिले आउँदो फागुन शुक्ल पूर्णिमामा खण्डग्रास चन्द्रग्रहण लाग्ने जानकारी पनि दिएको छ।

शास्त्रीय मान्यताअनुसार बालबालिका, वृद्धवृद्धा र बिरामीबाहेकले ग्रहण अवधिभर भोजन नगर्न भनिएको छ। विशेषगरी आइतबार दिउँसो १:११ बजेपछि उनीहरू बाहेक अरूलाई भोजन निषेध गरिएको उल्लेख समितिले गरेको छ।

खगोलशास्त्रअनुसार चन्द्रग्रहण पूर्णिमा तिथिमा र सूर्यग्रहण औँसी तिथिमा लाग्ने गर्दछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन