जेनजी प्रदर्शनमा मृत्यु हुनेको संख्या पाँच

काठमाडौं, भदौ २३।  सोमबार राजधानीमा भएको ‘जेनजी’ प्रदर्शनका क्रममा मृत्यु हुनेको संख्या पाँच पुगेको छ।

नयाँबानेश्वरस्थित सिभिल अस्पतालमा एक र त्रिवि शिक्षण अस्पतालको ट्रमा सेन्टरमा चार जना प्रदर्शनकारीको मृत्यु भएको पुष्टि गरिएको छ। उनीहरू सबै प्रहरीको रबरको गोली लागेर गम्भीर घाइते भएका थिए। अस्पतालमा पुर्‍याएपछि उपचारका क्रममा चिकित्सकहरूले मृत्यु घोषणा गरेका हुन्।

प्रदर्शन नियन्त्रणका क्रममा प्रहरीले बल प्रयोग गरेपछि स्थिति झनै हिंसात्मक बन्दै गएको हो। दिउँसो साढे १२ बजेदेखि काठमाडौंका विभिन्न क्षेत्रमा कर्फ्यु आदेश जारी गरिएको भए पनि आन्दोलन भने रोकिएको छैन।

नयाँबानेश्वर क्षेत्रमा अहिले पनि तनाव कायमै छ भने घाइतेहरूको वास्तविक संख्या भने अझै यकिन भइसकेको छैन।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन