राष्ट्रपति पौडेलद्वारा सबै पक्षलाई संयम र सहयोगका लागि आग्रह, जेनजी समुहलाई वार्तामा आउन अनुरोध

काठमाडौं, भदौ २४ गते । राष्ट्रपति रामचन्द्र पौडेलले हाल उत्पन्न भएको विषम परिस्थितिको शान्तिपूर्ण समाधानका लागि आन्दोलनरत नागरिकहरू सहित सबै पक्षलाई संयम अपनाउन र सहयोग गर्न आग्रह गरेका छन्।

प्रधानमन्त्री केपी शर्मा ओलीको राजीनामा स्वीकृत भइसकेको उल्लेख गर्दै राष्ट्रपति पौडेलले देश, जनता र लोकतन्त्रलाई माया गर्ने सबै पक्षले समस्याको समाधानका लागि सकारात्मक भूमिका खेल्ने विश्वास व्यक्त गरेका छन्।

राष्ट्रपति पौडेलले लोकतन्त्रमा नागरिकले उठाएका जायज मागहरू प्रतिनिधिमूलक सहभागिता सहित वार्ता र संवादमार्फत समाधान गर्न सकिने भएकाले सबैलाई वार्तामा आउन र शान्तिपूर्ण माध्यमबाट समस्या समाधानतर्फ उन्मुख हुन अपिल गरेका छन्।

उनले संयमता, संवाद र सहकार्यमार्फत मात्र मुलुकलाई स्थायित्व र समृद्धितर्फ अघि बढाउन सकिने उल्लेख गर्दै सबैलाई साझा उत्तरदायित्वका साथ अघि बढ्न आग्रह गरेका छन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन