समता घरेलुको एफपिओमा आधाले पनि दिएनन् आवेदन, भर्ने समय अझै एक दिन बाँकी

काठमाडौं । समता घरेलु लघुवित्त वित्तीय संस्थाको एफपिओमा नियमित रुपमा आवेदन दिदै आएका लगानीकर्ताहरु मध्ये आधाले पनि आवेदन दिएका छैनन् । संस्थाले गएको कार्तिक १२ गतेदेखि खुला गरेको एफिओमा १० लाख ९२ हजारले आवेदन दिएका छन् । जवकी नियमित रुपमा २४ लाख भन्दा धेरैले आवेदन दिदै आएको पाइन्छ ।

संस्थाले यहि कार्तिक २० गतेसम्म आवेदन खुला राखेको छ । निष्काशनको विचमा तिहार विदा परे पछि संस्थाको निष्काशन अवधि लम्बिएको हो । संस्थाले निष्काशन गरेको केहि मिनेटमै आवश्यता भन्दा धेरैको आवेदन परेको थियो । संस्थाले ३ लाख ५० हजार ९०४ कित्ता शेयर सर्वसाधारणका लागि जारी गरेको छ ।

संस्थाले नेपाल राष्ट्र बैंकको निर्देशन सँगै आधार मूल्यमै जारी गरेको हो । एकदमै कमलाई मात्रै पर्ने भएकाले पनि आकर्षण कम देखिएको हो ।

लघुवित्तले साविकको मनकामना स्मार्ट लघुवित्त वित्तीय संस्थालाई प्राप्ति गरेपश्चात प्रबन्धपत्रमा भएको व्यवस्था बमोजिम शेयर पूँजी संरचना अनुपात संस्थापकको ६९.४८ प्रतिशत र सर्वसाधारणको ३०.५२ प्रतिशत कायम गर्न नपुग शेयर सर्वसाधारणमा एफपीओ जारी गर्न लागेको हो।

लघुवित्तले ३ करोड ५० लाख ९० हजार ४२५ रुपैयाँबराबरको प्रतिकित्ता १०० रुपैयाँ अंकित मूल्यका ३ लाख ५० हजार ९०४.२५ कित्ता शेयर निष्काशन गरिरहेको छ ।

लघुवित्तको एफपीओमा न्यूनतम १० कित्ताका लागि आवेदन दिनु पर्नेछ भने अधिकतममा १ हजार कित्तासम्मका लागि आवेदन दिन सकिनेछ। कम्पनीको एफपिओ ३५ हजार ९० जनाले १० कित्ताको दरले प्राप्त गर्नेछन् । यसबाट पनि ४ कित्ता बाँकी रहने भएकाले ३५ हजार ९० जना मध्ये भाग्यमानी ४ जनाले थप एक कित्ता शेयर पाउने छन् । 

एफपीओ निष्काशनका लागि गराएको रेटिङ्गमा क्रेडिट रेटिङ्ग कम्पनी इक्रा नेपालले लघुवित्तलाई इक्रएनपी इस्यूअर रेटिङ्ग डबल बी माइनस प्रदान गरेको छ। यसले लघुवित्तको वित्तीय दायित्व बहन गर्ने क्षमतामा मध्यम जोखिम रहेको संकेत गर्दछ।

लघुवित्तको धितोपत्र निष्काशन तथा बिक्री प्रबन्धक मुक्तिनाथ क्यापिटल लिमिटेड रहेको छ। लगानीकर्ताले नेपाल धितोपत्र बोर्डबाट स्वीकृती प्राप्त गरेका सम्पूर्ण सि–आस्बा सदस्य बैंक तथा वित्तीय संस्थाहरु तथा सिडिएस एण्ड क्लियरिङ्ग लिमिटेडबाट निर्माण गरिएको सफ्टवेयर ‘मेरो शेयर’ अनलाइन प्रयोग गरी सि–आस्बा प्रणालीमार्फत आवेदन दिन सक्नेछन्।

हाल लघुवित्तको चुक्ता पूँजी ५६ करोड ४० लाख ६ हजार ३०४ रुपैयाँ रहेको छ। एफपीओ निष्काशनपश्चात लघुवित्तको चुक्ता पूँजी ५९ करोड ९० लाख ९६ हजार ७२८ रुपैयाँ २५ पैसा पुग्नेछ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?