राष्ट्रिय सहकारी नियमन प्राधिकरणमा अध्यक्ष र विज्ञ सदस्यका लागि आवेदन खुला

काठमाडौं । राष्ट्रिय सहकारी नियमन प्राधिकरणको अध्यक्ष तथा विज्ञ सदस्य पदमा नियुक्तिका लागि आवेदन आह्वान गरिएको छ । अध्यक्ष तथा विज्ञ सदस्य पदमा नियुक्तिका लागि सिफारिस गर्न गठित समितिले शुक्रबार सूचना प्रकाशित गर्दै योग्य नेपाली नागरिकबाट दरखास्त माग गरेको हो ।

सूचनाअनुसार सहकारी ऐन, २०७४ को दफा १०३ (ङ) तथा राष्ट्रिय सहकारी नियमन प्राधिकरणको अध्यक्ष र विज्ञ सदस्य पदमा नियुक्तिका लागि सिफारिस सम्बन्धी मापदण्ड, २०८३ बमोजिम आवेदन खुला गरिएको हो ।

अध्यक्ष पदका लागि मान्यता प्राप्त विश्वविद्यालयबाट अर्थशास्त्र, वाणिज्य, व्यवस्थापन, लेखा, कानून वा सहकारी विषयमा कम्तीमा स्नातकोत्तर तह उत्तीर्ण गरेको हुनुपर्ने व्यवस्था गरिएको छ । साथै बैंक तथा वित्तीय संस्था वा सहकारी संस्थामा रही कम्तीमा पाँच वर्ष कार्यकारी प्रमुख वा कार्यकारी तहको अनुभव हासिल गरेको हुनुपर्ने उल्लेख छ ।

त्यस्तै, विज्ञ सदस्य पदका लागि पनि अर्थशास्त्र, वाणिज्य, व्यवस्थापन, लेखा, कानून वा सहकारी विषयमा स्नातकोत्तर तह उत्तीर्ण गरी बैंक तथा वित्तीय संस्था वा सहकारी क्षेत्रमा कम्तीमा १० वर्ष कार्य अनुभव भएको हुनुपर्ने जनाइएको छ ।

अध्यक्ष र विज्ञ सदस्य दुवै पदका उम्मेदवारको उमेर ६० वर्ष ननाघेको हुनुपर्नेछ । साथै नैतिक पतन देखिने फौजदारी कसुरमा सजाय नपाएको हुनुपर्ने प्रावधान राखिएको छ ।

दरखास्त दिने उम्मेदवारले व्यक्तिगत विवरण, नेपाली नागरिकताको प्रमाणपत्र, शैक्षिक योग्यताको प्रमाणपत्र, अनुभव खुल्ने कागजात, स्वास्थ्य प्रमाणपत्र तथा स्वघोषणासहितका कागजात पेश गर्नुपर्ने सूचनामा उल्लेख छ ।

यसबाहेक उम्मेदवारले सहकारी क्षेत्र सुधार, नियमन तथा व्यवस्थापनसम्बन्धी अवधारणापत्रसहित व्यावसायिक कार्ययोजना पनि अनिवार्य रूपमा पेश गर्नुपर्नेछ । समितिका अनुसार कार्ययोजना नेपाली भाषामा ए–४ साइजको कागजमा कम्प्युटर टाइप गरिएको हुनुपर्नेछ भने यसको शब्द सीमा बढीमा ५ हजार तोकिएको छ ।

दरखास्त बुझाउने अन्तिम मिति सूचना प्रकाशित भएको मितिले १५ दिनभित्र तोकिएको छ । आवेदन राष्ट्रिय सहकारी नियमन प्राधिकरण, पुल्चोक, ललितपुरमा बुझाउन सकिने जनाइएको छ ।

आवेदन दस्तुर पाँच हजार रुपैयाँ निर्धारण गरिएको छ । थप जानकारीका लागि भूमि व्यवस्था, सहकारी तथा गरिबी निवारण मन्त्रालय तथा राष्ट्रिय सहकारी नियमन प्राधिकरणको वेबसाइटमा हेर्न सकिने समितिले जनाएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन