सल्यानको बागचौरमा ४५ लाख लागतमा ब्याडमिन्टन कवर्ड हल निर्माण सुरु

सल्यान, जेठ ५ — सल्यानको बागचौर नगरपालिकामा ४५ लाख रुपियाँ लागतमा ब्याडमिन्टन कवर्ड हल निर्माण कार्य सुरु गरिएको छ। खेल पूर्वाधार विकास तथा युवालाई खेलकुद गतिविधितर्फ आकर्षित गर्ने उद्देश्यले नगरपालिकाको वडा नं. २ बागचौरमा कवर्ड हल निर्माणको काम अघि बढाइएको हो।

कर्णाली प्रदेश सरकारको सामाजिक विकास मन्त्रालयको आर्थिक सहयोगमा निर्माण हुन लागेको उक्त कवर्ड हलको मङ्गलबार शिलान्यास गरिएको छ।

शिलान्यास कार्यक्रममा कर्णाली प्रदेशसभा सदस्य तथा पूर्वमन्त्री भीमप्रकाश शर्मा, प्रदेशसभा सदस्य लक्ष्मी सुनार, बागचौर नगरपालिकाका प्रमुख जनकराज गौतम, उपप्रमुख सुम्निमा डि.सी. वलीलगायत जनप्रतिनिधि तथा सरोकारवालाहरूको उपस्थिति रहेको थियो। निर्माण कार्यको जिम्मा यरिङका निर्माण सेवाले पाएको नगरपालिकाले जनाएको छ।

कार्यक्रममा बोल्ने वक्ताहरूले खेलकुद पूर्वाधार विकासले ग्रामीण क्षेत्रमा सकारात्मक प्रभाव पार्ने बताएका छन्। उनीहरूका अनुसार यस्ता संरचनाले युवालाई खेलप्रति आकर्षित गर्ने, प्रतिभा पहिचानमा सहयोग पुग्ने तथा विभिन्न प्रतियोगिता सञ्चालन गर्न सहज हुने विश्वास व्यक्त गरिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन