निक्षेप तथा कर्जा सुरक्षण कोषको प्रमुख कार्यकारी अधिकृतमा डिला राम गिरी नियुक्त

काठमाडौं । नेपाल सरकारले निक्षेप तथा कर्जा सुरक्षण कोषको प्रमुख कार्यकारी अधिकृत पदमा डिला राम गिरीलाई नियुक्त गरेको छ। यहि असार ११ गते बसेको मन्त्रिपरिषद्को बैठकले अर्थ मन्त्रालयका उपसचिव डिला राम गिरीलाई नियुक्त गरेको हो।

सरकारले अर्को व्यवस्था नभएसम्मका लागि प्रमुख कार्यकारी अधिकृतको जिम्मेवारी दिएको हो । सरकारले यस अगाडीका सरकारले गरेका राजनीतिक नियुक्तिलाई एकै पटक हटाए सँगै कोषमा प्रमुख कार्यकारी अधिकृत पद रिक्त थियो। सरकारले अहिलेका लागि उनलाई प्रमुख कार्यकारी अधिकृतको जिम्मेवारी दिएको हो।  

गिरीले बैंकिङ तथा वित्तीय प्रणालीको स्थायित्व, विपन्न वर्ग कर्जा सुरक्षण तथा साना तथा मझौला उद्यम (SME) को ऋण सुरक्षण प्रणालीलाई प्रभावकारी र व्यवस्थित बनाउन महत्वपूर्ण योगदान पुर्‍याउने अपेक्षा गरिएको छ।

डिला राम गिरी लामो समयदेखि सार्वजनिक वित्त व्यवस्थापन तथा वित्तीय क्षेत्रसँग सम्बन्धित जिम्मेवारीमा सक्रिय रहँदै आएका एक अनुभवी प्रशासक हुन्। उनले अर्थ मन्त्रालय तथा सार्वजनिक ऋण व्यवस्थापन कार्यालय (PDMO) मा उपसचिवका रूपमा कार्य गर्दै सार्वजनिक ऋण व्यवस्थापन तथा वित्तीय प्रशासनका विभिन्न पक्षमा महत्वपूर्ण भूमिका निर्वाह गरेका थिए।

निक्षेप तथा कर्जा सुरक्षण कोषको नेतृत्व सम्हालेसँगै उनले बैंक तथा वित्तीय संस्थामा निक्षेपकर्ताको रकम सुरक्षा तथा जोखिम व्यवस्थापन प्रणाली सुदृढीकरणमा ध्यान केन्द्रित गर्ने अपेक्षा गरिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन