![$adHeader[0]['title']](https://www.bfisnews.com/images/bigyapan/1776181672_1100 x100.gif)
कालीमाटीले सार्वजनिक गर्यो आजको थोक मूल्य सूची, पालुङ्गो प्रतिकिलो ९० रुपैयाँ
- BFIS News
- 2026 Jun 10 08:39
काठमाडौं । कालीमाटी फलफूल तथा तरकारी बजार विकास समितिले बुधबारका लागि कृषिउपजको थोक मूल्य सूची सार्वजनिक गरेको छ।
समितिले विभिन्न तरकारी, फलफूल, मसला तथा अन्य कृषि उत्पादनहरूको अधिकतम थोक मूल्य निर्धारण गरेको हो।
सार्वजनिक मूल्यसूचीअनुसार पालुङ्गोको थोक मूल्य प्रतिकिलो ९० रुपैयाँ कायम गरिएको छ। त्यस्तै रायो साग ५० रुपैयाँ, चम्सुरको साग ९० रुपैयाँ र हरियो प्याज ९० रुपैयाँ प्रतिकिलो निर्धारण गरिएको छ।
तरकारीतर्फ नेपाली ठूलो गोलभेँडा प्रतिकिलो ६० रुपैयाँ, भारतीय ठूलो गोलभेँडा ७० रुपैयाँ तथा टनेलमा उत्पादन भएको सानो गोलभेँडा ३७ रुपैयाँमा कारोबार हुने समितिले जनाएको छ। रातो आलुको मूल्य प्रतिकिलो ३२ देखि ३८ रुपैयाँसम्म तोकिएको छ भने भारतीय सुकेको प्याज ४३ रुपैयाँ प्रतिकिलो कायम गरिएको छ।
स्थानीय गाजर प्रतिकिलो १०० रुपैयाँ, स्थानीय बन्दा ६० रुपैयाँ, स्थानीय काउली ७० रुपैयाँ र हाइब्रिड सेतो मूला २० रुपैयाँ निर्धारण गरिएको छ। मटरकोसा २०० रुपैयाँ प्रतिकिलोमा सूचीकृत हुँदा विभिन्न प्रकारका सिमीको मूल्य ५० देखि १२० रुपैयाँसम्म रहेको छ।
च्याउमध्ये कन्य च्याउ प्रतिकिलो २३० रुपैयाँ, डल्ले च्याउ र राजा च्याउ ३५० रुपैयाँ तथा सिताके च्याउ १ हजार रुपैयाँ प्रतिकिलो कायम गरिएको छ। कुरिलोको मूल्य पनि प्रतिकिलो ३५० रुपैयाँ तोकिएको छ।
फलफूलतर्फ फुजी स्याउ प्रतिकिलो ३०० रुपैयाँ, नेपाली केरा प्रतिदर्जन २०० रुपैयाँ र मालभोग केरा २२० रुपैयाँ निर्धारण गरिएको छ। कागती १७० रुपैयाँ, अनार ४२० रुपैयाँ, मालदह आँप ७० रुपैयाँ तथा दशहरी आँप १०० रुपैयाँ प्रतिकिलोमा कारोबार हुने समितिले जनाएको छ।
तरबुजा प्रतिकिलो ५० रुपैयाँ, जुनार २२० रुपैयाँ, भुइँकटहर २०० रुपैयाँ तथा स्थानीय मेवा ९० रुपैयाँ प्रतिकिलो कायम गरिएको छ। स्थानीय लिचीको मूल्य २५० रुपैयाँ प्रतिकिलो हुँदा भारतीय लिची ३०० रुपैयाँ प्रतिकिलो निर्धारण गरिएको छ।
मसला तथा अन्य कृषिउपजमध्ये अदुवा प्रतिकिलो १३० रुपैयाँ, सुकेको खुर्सानी ४५० रुपैयाँ, अकबरे खुर्सानी ३०० रुपैयाँ, हरियो धनियाँ १०० रुपैयाँ र हरियो लसुन २०० रुपैयाँ प्रतिकिलो तोकिएको छ। त्यसैगरी चाइनिज सुकेको लसुन २२० रुपैयाँ र नेपाली सुकेको लसुन १८० रुपैयाँ प्रतिकिलो कायम गरिएको छ।
माछातर्फ ताजा रहु माछाको मूल्य प्रतिकिलो ३४० रुपैयाँ, बचुवा ३०० रुपैयाँ र छडी माछा २५० रुपैयाँ निर्धारण गरिएको छ। सुकेको माछाको मूल्य भने प्रतिकिलो १ हजार रुपैयाँ कायम गरिएको समितिले जनाएको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया