विजय लघुवित्तले बोलायो १७औं वार्षिक साधारणसभा, शतप्रतिशत हकप्रद शेयर प्रस्ताव लैजाने

काठमाडौँ । विजय लघुवित्त वित्तीय संस्था लिमिटेडले आफ्नो १७औं वार्षिक साधारणसभा बोलाएको छ । संस्थाको असार १ गते बसेको सञ्चालक समितिको बैठकले असार २६ गते धुलिखेलस्थित धुलिखेल लज रिसोर्टमा दिउँसो १ बजे सभा आयोजना गर्ने निर्णय गरेको हो ।

सभामा संस्थाको कुल चुक्तापूँजीको ९ दशमलव २२ प्रतिशत बराबर संस्थापक शेयरलाई सर्वसाधारण शेयरमा परिवर्तन गर्ने विशेष प्रस्ताव पेश गरिनेछ ।

त्यस्तै सभामा शतप्रतिशत हकप्रद शेयर जारी गर्ने प्रस्ताव पनि लैजाने भएको छ । हकप्रद शेयर निष्काशनका लागि संस्थाको प्रबन्धपत्र तथा नियमावली संशोधन गरी पूँजी संरचना परिवर्तन गर्ने प्रस्ताव समेत पेश गरिनेछ ।

यसैगरी प्रबन्धपत्र तथा नियमावली संशोधनका क्रममा नियमनकारी निकायबाट कुनै थप संशोधन गर्न निर्देशन आएमा सोहीअनुसार आवश्यक प्रक्रिया पूरा गर्न सञ्चालक समितिलाई पूर्ण अख्तियारी दिने प्रस्ताव पनि सभामा प्रस्तुत गरिनेछ ।

साधारणसभा प्रयोजनका लागि संस्थाले असार ११ गते एक दिनका लागि बुक क्लोज गर्ने निर्णय गरेको छ ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

७० औं अन्तर्राष्ट्रिय भन्सार दिबसमा के एल दुगड समुहका श्याम सुन्दर कनोडिया सम्मानित

राजश्व राष्ट्रको रगत पसिना भएकोले बगेर गएको टुलुटुलु हेरेर बस्न सकिदैन : अर्थमन्त्री शर्मा