बीमा प्राधिकरणको नेतृत्वमा योग्य व्यक्ति ल्याउँछौं : अर्थमन्त्री वाग्ले

काठमाडौं । अर्थमन्त्री डा. स्वर्णिम वाग्लेले नेपाल बीमा प्राधिकरणको नेतृत्वका लागि योग्य र अनुभवी व्यक्ति चयन गर्ने बताएका छन् ।

चेम्बरको आयोजनामा भएको ‘आर्थिक तथा व्यावसायिक गतिविधि विस्तारका लागि अनुकूल लगानीमैत्री वातावरण तथा अर्थतन्त्रका समसामयिक विषयमा छलफल तथा संवाद’ कार्यक्रममा बोल्दै मन्त्री वाग्लेले बीमा प्राधिकरण र धितोपत्र बोर्डजस्ता नियामक निकायको नेतृत्वका लागि नयाँ व्यक्ति छनोट प्रक्रिया अघि बढिसकेको जानकारी दिएका हुन् ।

उनले बीमा प्राधिकरणको नेतृत्वका लागि लगनशील, क्षेत्र बुझेको र पर्याप्त अनुभव भएको व्यक्ति आवश्यक रहेको बताए । छनोट हुने व्यक्तिको योग्यता, पृष्ठभूमि र विवरणसमेत अध्ययन गरेर मात्र जिम्मेवारी दिइने उनको भनाइ थियो ।

मन्त्री वाग्लेले शेयर बजार र बीमा क्षेत्रमा देखिएका वित्तीय अपराध तथा चुनौतीलाई ध्यानमा राख्दै नियामक निकायमा सक्षम नेतृत्व आवश्यक रहेको बताए ।

उनले देशलाई आवश्यक पर्ने योग्य जनशक्ति खोजेर जिम्मेवारी दिने प्रक्रिया अघि बढाइएको समेत उल्लेख गरे ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

७० औं अन्तर्राष्ट्रिय भन्सार दिबसमा के एल दुगड समुहका श्याम सुन्दर कनोडिया सम्मानित

राजश्व राष्ट्रको रगत पसिना भएकोले बगेर गएको टुलुटुलु हेरेर बस्न सकिदैन : अर्थमन्त्री शर्मा