नेप्से परिसूचक ५ अंकले घट्यो, कारोबार रकम ३ अर्ब ४१ करोड

BFIS News
2026 Jun 18 15:28

नेप्से परिसूचक ५ अंकले घट्यो, कारोबार रकम ३ अर्ब ४१ करोड

काठमाडौँ । साताको अन्तिम कारोबार दिन बिहीबार शेयर बजार सामान्य अंकले घटेको छ । नेपाल स्टक एक्सचेञ्ज (नेप्से) परिसूचक ५ दशमलव ०६ अंकले घटेर २ हजार ७०० दशमलव बिन्दुमा कायम भएको छ ।

आज कुल ३४७ वटा कम्पनीको ७४ लाख ६८ हजार कित्ता शेयर किनबेच भएको छ । उक्त कारोबारबाट ३ अर्ब ४१ करोड ४८ लाख रुपैयाँ बराबरको कारोबार भएको नेप्सेले जनाएको छ ।

बिहीबार दुई कम्पनीको शेयर मूल्यमा सकारात्मक सर्किट लागेको छ । एपोलो हाइड्रोपावर र सोपानको शेयरमा १० प्रतिशतको वृद्धि हुँदै सकारात्मक सर्किट लागेको हो ।

त्यस्तै आत्मनिर्भर लघुवित्तको शेयर मूल्य १२ दशमलव ५३ प्रतिशतले बढेको छ भने बुङ्गल हाइड्रोपावरको शेयर मूल्य ८ दशमलव ५६ प्रतिशतले वृद्धि भएको छ ।

बजार परिसूचक सामान्य घटे पनि केही जलविद्युत् तथा लघुवित्त कम्पनीका शेयरमा लगानीकर्ताको आकर्षण देखिएको छ ।