विकास बैंकर्स संघको अध्यक्षमा कामना सेवा विकास बैंकका सीईओ थकाली निर्वाचित

काठमाडौं । विकास बैंकर्स संघ नेपालको अध्यक्षमा कामना सेवा विकास बैंकका प्रमुख कार्यकारी अधिकृत (सीईओ) दिनेश थकाली सर्वसम्मत निर्वाचित भएका छन् ।

संघको शुक्रबार कात्तिक १३ गते नागरकोटस्थित सोल्टी वेस्टेन्ड रिसोर्टमा सम्पन्न २१औँ वार्षिक साधारणसभाले थकालीको अध्यक्षतामा दुई वर्षे कार्यकालका लागि नौ सदस्यीय नयाँ कार्यसमिति चयन गरेको हो । यसअघि थकालीले संघको कार्यवाहक अध्यक्षको जिम्मेवारी सम्हाल्दै आएका थिए ।

नवनिर्वाचित कार्यसमितिको उपाध्यक्षमा गरिमा विकास बैंकका सीईओ माधवप्रसाद उपाध्याय, सचिवमा ज्योति विकास बैंकका सीईओ कपिल ढकाल र कोषाध्यक्षमा महालक्ष्मी विकास बैंकका सीईओ दीपेश लम्साल चयन भएका छन् ।

त्यस्तै, कार्यसमिति सदस्यमा तारा मानन्धर, सुमन आचार्य, रविन सिजापति, हरिबहादुर बुढाथोकी र अनन्तकुमार चापागाईं निर्वाचित भएका छन् ।

साधारणसभाले संघको वार्षिक प्रतिवेदन, आर्थिक वर्ष २०८२/८३ को वित्तीय विवरण र आर्थिक वर्ष २०८३/८४ को प्रस्तावित बजेट पारित गरेको छ । सभाले लेखापरीक्षक नियुक्त गर्ने प्रस्तावसमेत अनुमोदन गरेको छ ।

अध्यक्षमा निर्वाचित भएपछि थकालीले विकास बैंकहरूको साझा हित संरक्षण, बैंकिङ क्षेत्रका चुनौती समाधान, कर्जा असुलीमा सुधार तथा डिजिटल बैंकिङ सेवाको विस्तारलाई प्राथमिकतामा राखेर काम गर्ने प्रतिबद्धता व्यक्त गरेका छन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?