नेको इन्स्योरेन्सले वैशाख १२ गतेदेखि २ लाख २५ हजार कित्ता नविकेको हकप्रद सेयर लिलामी गर्ने

BFIS News
2025 Apr 18 18:24

नेको इन्स्योरेन्सले वैशाख १२ गतेदेखि २ लाख २५ हजार कित्ता नविकेको हकप्रद सेयर लिलामी गर्ने

काठमाडौं । नेको इन्स्योरेन्स कम्पनीले नविकेको २ लाख २५ हजार २६१ कित्ता हकप्रद शेयर लिलाम गर्ने भएको छ । कम्पनीले गएको महिना चुक्ता पूँजीको २५ प्रतिशत हकप्रद शेयर जारी गरेको थियो । उक्त लिलामी २०८२ सालको वैशाख १२ गतेदेखि वैशाख २१ गतेसम्म सञ्चालन हुनेछ।

जारी गरिएको कुल हकप्रद सेयरमध्ये ४८,०५,६४०.२० इकाइ (९५.५३%) सेयर मात्र योग्य सेयरधनीलाई बाँडफाँड गरिएको थियो। बाँकी ४.४७% सेयर दाबी नगरिएकोले अब १७,९८,६५६ इकाइ हकप्रद सेयर सार्वजनिक लिलामीमार्फत विक्री गर्न लागिएको हो।

यो दाबी नगरिएको हकप्रद सेयरको अंश हो, जुन कम्पनीले १:०.२५ को अनुपातमा २०८१ साल फागुन ८ गतेदेखि चैत १४ गतेसम्म हकप्रद सेयर निष्कासन गरेको थियो। लिलामीमा व्यक्ति तथा संस्थागत दुवै किसिमका लगानीकर्ताले भाग लिन सक्नेछन्।

यस लिलामीको इश्यु व्यवस्थापकका रूपमा सानिमा क्यापिटल लिमिटेड लाई नियुक्त गरिएको छ। लिलामीका लागि न्यूनतम बोलकबोल मूल्य प्रतिइकाइ रु. १०० तोकिएको छ। साधारण हकप्रद सेयरको न्यूनतम बोलकबोल संख्या १०० इकाइ र प्रवर्द्धक हकप्रद सेयरको हकमा १,००० इकाइ राखिएको छ।

बोलकबोलकर्ताहरूले चाहेमा सम्पूर्ण सेयरमा पनि बोलकबोल गर्न सक्नेछन्, तर नियामक निकायको नियमअनुसार अधिकतम सीमा ननाघ्ने गरी मात्र बोलकबोल गर्नुपर्नेछ।