![$adHeader[0]['title']](https://www.bfisnews.com/images/bigyapan/1759825227_1100x100.gif)
लक्ष्मी सनराइज बैंकको नाफा सामान्य वृद्धि, प्रतिशेयर आम्दानी ९ रुपैयाँ नाघ्यो
.gif)
- BFIS News
- 2025 Apr 20 08:20
काठमाडौं । लक्ष्मी सनराइज बैंक लिमिटेडले चालु आर्थिक वर्ष २०८०/८१ को तेस्रो त्रैमाससम्ममा १ अर्ब ६५ करोड २१ लाख रुपैयाँ खुद नाफा आर्जन गरेको छ।
अघिल्लो वर्षको सोही अवधिमा बैंकले १ अर्ब ६१ करोड ५९ लाख रुपैयाँ नाफा कमाएको थियो। यो नाफा २.२४ प्रतिशतको सामान्य वृद्धि हो।
ब्याज आम्दानीमा गिरावट, सञ्चालन नाफामा वृद्धि
समीक्षा अवधिमा बैंकको खुद ब्याज आम्दानी भने ७.३१ प्रतिशतले घटेर ७ अर्ब ८९ करोड ३५ लाख रुपैयाँमा सीमित भएको छ। अघिल्लो वर्षको सोही अवधिमा यो रकम ८ अर्ब ५१ करोड रुपैयाँ थियो।
यद्यपि, इम्पेरमेन्ट चार्जमा आएको कमीका कारण नाफा सामान्य रूपमा बढ्न सफल भएको बैंकले जनाएको छ। यस अवधिमा बैंकको सञ्चालन नाफा १३.३४ प्रतिशतले वृद्धि भई २ अर्ब ५२ करोड रुपैयाँ पुगेको छ।
वित्तीय सूचकहरू
चैत मसान्तसम्ममा बैंकको चुक्ता पूँजी २४ अर्ब ३४ करोड रुपैयाँ रहेको छ। प्रतिशेयर आम्दानी (EPS) ९ रुपैयाँ ०५ पैसा पुगेको छ भने प्रतिशेयर नेटवर्थ १७६ रुपैयाँ १६ पैसा रहेको छ।
बैंकको वितरणयोग्य नाफा ७७ करोड २७ लाख रुपैयाँ कायम रहेको छ।
ब्याज आम्दानीमा गिरावट देखिए पनि सञ्चालन नाफा र जोखिम व्यवस्थापनको सुधारले बैंकको समग्र वित्तीय अवस्था सन्तुलित देखिएको विश्लेषण गरिन्छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया