प्राइम कमर्सियल बैंकले ९ महिनामा कमायो २ अर्ब २२ करोड नाफा, वितरणयोग्य नाफामा ४५०% वृद्धि

काठमाडौं । चालु आर्थिक वर्षको तेस्रो त्रैमाससम्म प्राइम कमर्सियल बैंक लिमिटेडले २ अर्ब २२ करोड ९३ लाख रुपैयाँ खुद नाफा कमाएको छ।

यो नाफा अघिल्लो वर्षको सोही अवधिको तुलनामा २२.५६ प्रतिशतले कम हो। गत वर्ष बैंकले २ अर्ब ८७ करोड रुपैयाँ नाफा आर्जन गरेको थियो।

बैंकको इम्पेयरमेन्ट चार्ज उल्लेख्य रूपमा बढेर नाफामा दबाब परेको देखिन्छ। अघिल्लो वर्ष ८९ करोड ५० लाख रुपैयाँ रहेको चार्ज यस वर्ष २ अर्ब ३३ करोड १५ लाख रुपैयाँ पुगेको छ। यद्यपि, बैंकको खुद ब्याज आम्दानी ५ अर्ब ७८ करोड रुपैयाँबाट बढेर ६ अर्ब ६६ करोड रुपैयाँमा पुगेको छ, जसले समग्र राजस्वमा सकारात्मक प्रभाव पारेको छ।

बैंकको वितरणयोग्य नाफा उल्लेखनीय रूपमा बढेको छ। अघिल्लो वर्षको तुलनामा वितरणयोग्य नाफा करिब साढे ४ सय प्रतिशतले वृद्धि भई १ अर्ब ७३ करोड रुपैयाँ पुगेको छ। यसबाट बैंकले १०.५७ प्रतिशत लाभांश वितरण गर्न सक्ने देखिएको छ।

हाल बैंकको चुक्ता पुँजी १९ अर्ब ४० करोड २५ लाख रुपैयाँ छ भने जगेडा कोषमा १० अर्ब ८० करोड ८३ लाख रुपैयाँ सञ्चित छ। समीक्षाअवधिमा प्रति शेयर आम्दानी (EPS) १५ रुपैयाँ ३२ पैसा रहेको छ भने प्रति शेयर नेटवर्थ १६४ रुपैयाँ ६३ पैसा कायम छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?