भारतद्वारा १६ पाकिस्तानी युट्युब च्यानल प्रतिबन्ध, बीबीसीलाई औपचारिक पत्र

काठमाडौं। भारत सरकारले पाकिस्तानका विभिन्न समाचारमाध्यम तथा व्यक्तिहरूद्वारा सञ्चालित युट्युब च्यानलहरूमाथि प्रतिबन्ध लगाएको छ।

सोमबार भारतको सूचना तथा प्रसारण मन्त्रालयले डन न्यूज, समा टिभी, जीएनएन, जियो न्यूजलगायत १६ पाकिस्तानी युट्युब च्यानलहरूलाई भारतको सेना र सुरक्षा एजेन्सीहरूप्रति उत्तेजक, साम्प्रदायिक र संवेदनशील विषयवस्तु प्रसारण गरेको भन्दै भारतमा प्रतिबन्ध लगाएको हो।

भारतीय अधिकारीहरूका अनुसार ती च्यानलहरूले भ्रामक सूचना, गलत समाचार र साम्प्रदायिक तनाव बढाउने खालका सामग्रीहरू प्रसारण गरिरहेका थिए। यी च्यानलहरू भारतमा अब अवलोकन गर्न नसकिने बनाइएका छन्।

यसैबीच, भारतले अन्तर्राष्ट्रिय समाचार संस्था बीबीसीलाई पनि एक औपचारिक पत्र पठाएको छ। इकोनोमिक टाइम्सका अनुसार बीबीसीले आतंकवादीहरूलाई "लडाकु" (combatant) शब्द प्रयोग गरेको विषयमा आपत्ति जनाउँदै भारतले पत्राचार गरेको हो।

यो कदम जम्मू–कश्मीरको पहलगाममा केही दिनअघि भएको आतंकवादी आक्रमणमा २६ सर्वसाधारणको मृत्यु भएको घटनापछि आएको हो। भारतले पाकिस्तानमाथि लगातार कूटनीतिक दबाब बढाउने रणनीति अनुसार यस्ता कार्यहरू अघि बढाएको जनाइएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन