माछापुच्छ्रे बैंक र सि.बि.एल. मनी ट्रान्सफरबीच रेमिट्यान्स सेवा सुरु

काठमाडौं, बैशाख १६ । नेपाली कामदारहरूले मलेसियाबाट सहज, सरल र सुरक्षित रुपमा रेमिट्यान्स पठाउन सकून् भन्ने उद्देश्यले माछापुच्छ्रे बैंक लिमिटेड र सि.बि.एल. मनी ट्रान्सफरबीच रेमिट्यान्स सेवा सम्झौता सम्पन्न भएको छ।

दुई संस्थाबीचको सहकार्य अन्तर्गत २०८२ साल बैशाख १५ गते (सोमबार) देखि यो सेवा औपचारिक रूपमा सुरु गरिएको हो। अब मलेसियामा रहेका नेपालीहरूले सि.बि.एल. मनी ट्रान्सफरमार्फत नेपालमा रहेका आफन्त तथा परिवारजनलाई सजिलै रकम पठाउन सक्नेछन्।

सम्झौतापत्रमा सि.बि.एल. मनी ट्रान्सफरका प्रमुख कार्यकारी अधिकृत मोहम्मद सैदुर रहमान फराजी र माछापुच्छ्रे बैंकका नायब प्रमुख कार्यकारी अधिकृत प्रसिद्ध राज अर्यालले हस्ताक्षर गरेका छन्।

माछापुच्छ्रे बैंकले यो सहकार्यमार्फत वैदेशिक रोजगारमा रहेका नेपालीहरूको रेमिट्यान्स कारोबारलाई अझ सहज र भरपर्दो बनाउने विश्वास लिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?