सुन र चाँदीको मूल्यमा वृद्धि, अन्तरराष्ट्रिय बजारको प्रभाव नेपाली बजारमा पनि देखियो

काठमाडौं । नेपाली बजारमा यो साता सुन र चाँदी दुबैको मूल्यमा उल्लेख्य वृद्धि भएको छ। अन्तरराष्ट्रिय बजारमा देखिएको मूल्य उतारचढावको असर नेपाली बजारमा समेत परेको हो।

नेपाल सुनचाँदी व्यवसायी महासंघका अनुसार साताको सुरुवातमा अर्थात् आइतबार छापावाल सुन प्रतितोला १ लाख ८४ हजार १ सय रुपैयाँमा कारोबार भएको थियो। साता सकिँदा शुक्रबार उक्त दर प्रतितोला १ लाख ९० हजार ८ सय रुपैयाँमा पुगेको छ। यसअनुसार साताभरमा सुनको मूल्यमा ६ हजार ७ सय रुपैयाँको वृद्धि भएको हो।

सुनको मूल्य वृद्धिको प्रमुख कारण अमेरिकाको चीनसँगको व्यापार युद्ध यथास्थितिमा रहनु, उच्च ट्यारिफ दरहरू, अमेरिकी पूर्वराष्ट्रपति डोनाल्ड ट्रम्पको आर्थिक नीतिहरू, स्टक बजारमा सुधारको प्रयास, तथा फेडरल रिजर्भद्वारा ब्याजदरमा गरिएको कटौतीजस्ता कारणहरू रहेको बताइएको छ। यी अन्तरराष्ट्रिय कारणहरूले विश्वबजारमा सुनको मूल्यमा चाप परेको र त्यसको असर नेपाली बजारमा समेत देखिएको हो।

यसैगरी, चाँदीको मूल्यमा पनि वृद्धि देखिएको छ। आइतबार प्रतितोला १ हजार ९१० रुपैयाँमा कारोबार भएको चाँदी शुक्रबार १ हजार ९६० रुपैयाँमा कारोबार भएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन