युनियन हाइड्रोपावरको नाफामा ४३ प्रतिशत वृद्धि, ९ महिनामा २ करोड १९ लाख कमाई

काठमाडौं।युनियन हाइड्रोपावर लिमिटेडले चालु आर्थिक वर्ष २०८१/८२ को पहिलो नौ महिनामा (तेस्रो त्रैमाससम्म) २ करोड १९ लाख रुपैयाँ खुद नाफा आर्जन गरेको छ।

यो अघिल्लो वर्षको सोही अवधिको तुलनामा ४३ प्रतिशतले बढी हो। अघिल्लो वर्ष यस अवधिमा कम्पनीले १ करोड ५३ लाख ४३ हजार रुपैयाँ नाफा कमाएको थियो।

कम्पनीको आम्दानी विद्युत् बिक्रीबाट आएको हो, जुन गत वर्षको ५ करोड ७१ लाख रुपैयाँबाट बढेर यस त्रैमासमा ५ करोड ८९ लाख रुपैयाँ पुगेको छ। विद्युत बिक्रीमा भएको यो वृद्धिले नै कम्पनीको नाफा बढाउन मद्दत गरेको हो।

उता, कम्पनीको ब्याज खर्च पनि घटेको छ। अघिल्लो वर्ष ६३ लाख रुपैयाँ रहेको ब्याज खर्च यस अवधिमा घटेर २७ लाख रुपैयाँमा झरेको छ।

७५ करोड रुपैयाँ चुक्ता पुँजी रहेको युनियन हाइड्रोपावरको जगेडा कोषमा हाल २४ लाख ३ हजार रुपैयाँ रहेको छ। चैत मसान्तसम्म कम्पनीको वार्षिक प्रतिसेयर आम्दानी (EPS) २.१९ रुपैयाँ रहेको छ भने प्रतिसेयर नेटवर्थ १००.३२ रुपैयाँ कायम छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन