नेपाल एसबीआई बैंकलाई ३ अर्ब रुपैयाँको ऋणपत्र निष्कासन गर्न धितोपत्र बोर्डको अनुमति

काठमाडौं, ८ जेठ । नेपाल एसबीआई बैंक लिमिटेडले ३ अर्ब रुपैयाँ बराबरको ऋणपत्र निष्कासन गर्न नेपाल धितोपत्र बोर्ड (सेबोन) बाट अनुमति प्राप्त गरेको छ।

बैंकले प्रतिकित्ता १ हजार रुपैयाँ अंकित दरमा ३० लाख इकाई ऋणपत्र सार्वजनिक गर्न लागेको हो।

जारी गर्न लागिएको ऋणपत्रमध्ये १२ लाख इकाई (१ अर्ब २० करोड रुपैयाँ) सर्वसाधारणका लागि सार्वजनिक निष्कासनमार्फत जारी गरिनेछ। बाँकी १८ लाख इकाई (१ अर्ब ८० करोड रुपैयाँ) बैंकले आफ्नै पहलमा अन्य संस्थागत लगानीकर्तालाई बिक्री गर्नेछ।

बैंकले १० वर्ष अवधि र वार्षिक ७ प्रतिशत ब्याजदर रहने "७% एसबीआई ऋणपत्र २०९०" नामक ऋणपत्र निष्कासन गर्न लागेको हो। यस ऋणपत्रमा एनआइएमबीएस क्यापिटल लिमिटेड निष्कासन तथा बिक्री प्रबन्धकको भूमिकामा रहनेछ।

उक्त ऋणपत्र निष्कासनले बैंकको पूँजी संरचना सुदृढ गर्नुका साथै दीर्घकालीन स्रोत परिचालनमा मद्दत पुग्ने अपेक्षा गरिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?