बीमा दाबी फछ्र्यौटका लागि शिखर इन्स्योरेन्सको आग्रह : आवश्यक कागजात ३५ दिनभित्र बुझाउन अनुरोध

काठमाडौं, जेठ २१। शिखर इन्स्योरेन्स कम्पनी लिमिटेडले एक सार्वजनिक सूचना प्रकाशित गर्दै, बीमालेख बमोजिम दाबी दर्ता गराइएका तर आवश्यक कागजात नपुगेका बीमितहरूलाई ३५ दिनभित्र सम्पर्क गर्न अनुरोध गरेको छ।

कम्पनीका अनुसार २०८१ फागुन १५ गतेदेखि २०८२ जेष्ठ १५ गतेसम्म परेका दाबीहरूमध्ये कतिपय बीमितले हालसम्म दाबी मूल्याङ्कनका लागि आवश्यक पर्ने कागजातहरू कम्पनीमा प्राप्त नभएका र सम्बन्धित पक्षहरू सम्पर्कमा समेत नआएको कम्पनीले जनाएको छ। कम्पनीले आगामी ३५ दिन भित्रमा आवश्यक सम्पूर्ण कागजातहरू सहित केन्द्रीय दाबी विभाग, प्रादेशिक तथा शाखा कार्यालयहरू वा सो सम्बन्धी दाबीमा खटाइएका सर्भेयरहरूसँग सम्पर्क गरी कागजात बुझाउन आग्रह गरेको छ। 

तोकिएको म्यादभित्र दाबी फछ्र्यौटका लागि आवश्यक सम्पूर्ण कागजात तथा कम्पनीले पठाएको फछ्र्यौट पुर्जा सही छाप गरी फिर्ता नगरिएको वा सम्बन्धित पक्ष सम्पर्कमा नआएको अवस्थामा सो दाबी फाईलहरू बन्द गरिने कम्पनीले चेतावनी दिएको छ। कम्पनीले दाबीहरूबारे विस्तृत विवरण वेबसाइट www.shikharinsurance.com मा हेर्न मिल्ने व्यवस्था गरेको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना