अमेरिकाबाट डिपोर्ट भएका नेपाली चार्टर्ड विमानमार्फत आज काठमाडौं आउँदै

काठमाडौं। अमेरिका सरकारले ठूलो संख्यामा नेपाली नागरिकलाई डिपोर्ट गरेको छ। डिपोर्ट गरिएका नेपालीहरू आज आइतबार अपराह्न ४ बजे चार्टर्ड विमानमार्फत त्रिभुवन अन्तर्राष्ट्रिय विमानस्थल, काठमाडौं आइपुग्ने कार्यक्रम छ।

हाल डिपोर्ट हुनेहरूको यकिन संख्या सार्वजनिक गरिएको छैन, तर अनुमानित रूपमा ४० देखि ५० जनासम्म नेपाली रहेको बताइएको छ।

अमेरिकी अध्यागमन ऐन उल्लंघन गरेको अभियोगमा ती नेपालीहरूलाई डिपोर्ट गरिएको हो। यसअघि, डोनाल्ड ट्रम्पले राष्ट्रपति पद सम्हालेपछि हालसम्म करिब १४० जना नेपाली नागरिकलाई अमेरिका सरकारले डिपोर्ट गरिसकेको छ।

राष्ट्रपति ट्रम्पले आफ्नो चुनावी अभियानकै क्रममा आप्रवासी नीति कडाइ गर्ने घोषणा गरेका थिए। पदभार ग्रहण गरेपछि उनले अवैध आप्रवासीहरूलाई निष्कासन गर्ने कार्यकारी आदेशमा हस्ताक्षर गरेका थिए।

ट्रम्प प्रशासनले सार्वजनिक गरेको विवरणअनुसार १ हजार ३६५ नेपालीसहित १४ लाख ४५ हजार ५४९ आप्रवासीहरूको सूची तयार पारिएको थियो। ती सबैमाथि अमेरिका अवैध रूपमा बसोबास गरेको आरोप लगाइएको छ।

डिपोर्ट गरिएका नेपालीहरूको स्वदेश फिर्ती प्रक्रिया र पुनःस्थापना व्यवस्थापनमा नेपाल सरकार र सम्बन्धित निकाय जुटिरहेको जनाइएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन