तिब्बतबाट सक्रिय हुँदै मनसुन, भोटेकोसी र सुनकोसी आसपास सतर्कता आग्रह

सिन्धुपाल्चोक, असार ५।   छिमेकी देश चीनको तिब्बत क्षेत्र हुँदै नेपालतर्फ मनसुन सक्रिय हुने चरणमा पुगेको छ। यस सन्दर्भमा जिल्ला प्रशासन कार्यालय, सिन्धुपाल्चोकले उच्च सतर्कता अपनाउन आग्रह गरेको छ।

कार्यालयका सहायक प्रमुख जिल्ला अधिकारी गणेश नेपालीले बुधबार एक सूचना जारी गर्दै असार ३ गतेदेखि ७ गतेसम्म तिब्बत क्षेत्रमा अत्यधिक वर्षा हुने सम्भावना रहेको जनाएका छन्। यस वर्षाले भोटेकोसी हुँदै सुनकोसी नदीमा बाढीको जोखिम बढ्न सक्ने भएकाले नदी आसपासका बासिन्दालाई सतर्क रहन अनुरोध गरिएको छ।

प्राप्त सूचनाअनुसार चीनको प्रहरी कार्यालयबाट अत्यधिक वर्षाको सम्भावना रहेको जानकारी प्राप्त भएको छ। सूचनामा भनिएको छ, "असार ३ देखि ७ गतेसम्म चीनको तिब्बत क्षेत्रमा भोटेकोसी नदी आसपास अत्यधिक वर्षा हुन सक्ने सम्भावना छ।"

यसका कारण भोटेकोसी गाउँपालिका, बाह्रबिसे नगरपालिका, त्रिपुरासुन्दरी गाउँपालिका, सुनकोसी गाउँपालिका, बलेफी गाउँपालिका र चौतारा साँगाचोकगढी नगरपालिका क्षेत्रका भोटेकोसी र सुनकोसी नदी आसपासका बासिन्दालाई सतर्कता अपनाउन भनिएको छ। सम्भावित जोखिमलाई मध्यनजर गर्दै स्थानीय प्रशासन, सुरक्षाकर्मी तथा सरोकारवाला निकायलाई पनि तयारी अवस्थामा रहन अनुरोध गरिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन