त्रिभुवन विश्वविद्यालयले पठनपाठन छठपछि कार्तिक ११ गतेदेखि मात्र सुरु गर्ने

BFIS News
2025 Sep Thu 10:40

त्रिभुवन विश्वविद्यालयले पठनपाठन छठपछि कार्तिक ११ गतेदेखि मात्र सुरु गर्ने

काठमाडौं, भदौ ११ — देशभर जारी असामान्य परिस्थितिका कारण त्रिभुवन विश्वविद्यालयले आगामी पठनपाठन कार्तिक ११ गते (छठ पर्वपछि) बाट मात्र सुरु गर्ने निर्णय गरेको छ।

विश्वविद्यालयको सूचना तथा जनसम्पर्क महाशाखाले आज एक सूचना जारी गर्दै भदौ २९, ३० र ३१ गते, असोज १, २ र ५ गते तथा कार्तिक ९ गतेसम्म विश्वविद्यालय अन्तर्गतका सबै कक्षा, पठनपाठन कार्य स्थगित गरिएको जानकारी दिएको छ।

"देशभर विद्यमान असामान्य अवस्थाको कारण नियमित कक्षा सञ्चालन असम्भव भएकाले हिउँदे बिदाबाट कटौती गरिने गरी उक्त निर्णय गरिएको हो," सूचनामा उल्लेख गरिएको छ।

जेनजी आन्दोलनपछि उत्पन्न परिस्थितिले देशभरका शिक्षण संस्था ठप्प बनेका छन्। क्याम्पसहरू प्रभावित भएपछि पठनपाठन सञ्चालनमा थप समय लाग्ने देखिएको छ। सोही पृष्ठभूमिमा त्रिभुवन विश्वविद्यालयले नियमित कक्षा सञ्चालनका लागि कार्तिक ११ गतेसम्म पर्खने निर्णय गरेको हो।