धितोपत्र बोर्डले सुरु गर्यो आइपिओ अनुमति, ८१ वटा कम्पनीको ५४ अर्ब ४२ करोडको आइपिओ आउदै

BFIS News
2025 Nov 29 17:29

धितोपत्र बोर्डले सुरु गर्यो आइपिओ अनुमति, ८१ वटा कम्पनीको ५४ अर्ब ४२ करोडको आइपिओ आउदै

काठमाडौं। नेपाल धितोपत्र बोर्डले आइपिओ निष्काशनको प्रकृयाँ अगाडी बढाएको छ। लामो समयदेखि रोकिएको निष्काशन अनुमतिको प्रकृयाँलाई बोर्ड अगाडी बढाएको छ। धितोपत्र बोर्डको आन्तरिक कलह र आन्दोलनले रोकिएको निष्काशन प्रकृयाँ सुचारु भएको छ। बोर्डले यस साता मात्रै साल्पा विकास बैंक र विरगञ्ज हाइड्रोपावरलाई अनुमति दिएको छ। पाइपलाइनमा ८१ वटा कम्पनीले निष्काशन अनुमतिको पर्खाइमा हुँदा अहिलेसम्म जम्मा ६ वटालाई मात्रै अनुमति दिएको बोर्डको यस कार्यको चर्को आलोचना हुँदै आइरहेको छ।

धितोपत्र बोर्डमा पछिल्लो समय आइपिओ निष्काशन प्रकृयाँ रोकिदा भित्र भित्रै अनुमतिका लागि ठुलो रकम चलखेल सुरु भएको हल्ला चल्न समेत थालेको छ। विचौलियाले बोर्ड र आइपिओ निष्काशन गर्ने कम्पनीहरुहरु विच ६/७ प्रतिशतसम्म वार्गेनिङ गर्ने गरेको पाइएको छ। बोर्डले नियमित प्रकृयाँ अनुरुप अनुमति निदिदा यस्ता कुराहरु बाहिरिएको हो।

हाल बोर्डमा ८१ वटा कम्पनी आइपिओ निष्काशनको अनुमतिको पर्खाइमा छन्। यस बाहेक कयौ कम्पनीको फाइल पाइपलाइनसम्म पनि आइपुग्न बाकी छ। धितोपत्र बोर्डका अनुसार होटल तथा पर्यटन समुहबाट ५ वटाले एक अर्ब ६४ करोडको आइपिओ ल्याउदै छन्।

जलविद्युत समुहबाट ३९ वटा कम्पनीले १७ अर्ब ४५ करोड रुपैयाँको आइपिओ निष्काशनको अनुमति कुरिरहेका छन्। जलविद्युत उत्पादकले आइपिओ निष्काशनको अनुमति नपाउदा लक्ष्य अनुसारको लगानी जुटाउन समस्या परिरहेको बताउदै आइरहेका छन्। यस बाहेक धेरै कम्पनीको आइपिओ निष्काशनमा धितोपत्र बोर्डको निष्कासन सम्बन्धी निर्देशिकाले ठुलो असर पुर्याउदै आइरहेको छ।

यस पटक जलविद्युत सँगै उत्पादन तथा प्रशोधनमुलक कम्पनीको पनि आइपिओ निष्काशनमा आकर्षण बढेको छ। यस समुहबाट १९ वटा कम्पनीले २७ अर्ब रुपैयाँको आइपिओ निष्काशनको अनुमति माग गर्दै आवेदन दिएका छन्। यसमा प्रिमियममा शेयर निष्काशनको माग गर्नेको संख्या धेरै छ। जसले गर्दा आइपिओ रकम अध्याधिक धेरै देखिएको हो।

लघु बीमा कम्पनी तर्फ तीन वटाले आइपिओ निष्काशन गर्ने अनुमति माग गरेका छन्। उनिहरुले ६७ करोड ५० लाखको आइपिओ निष्काशन गर्दै छन्। अन्य तर्फ ११ वटाले ४ अर्ब ५ करोडको आइपिओ निष्काशनको माग गरेका छन्।