चिलिमे हाइड्रोपावरले १२ प्रतिशत लाभांश प्रस्ताव, पुस ३० मा २९औँ वार्षिक साधारण सभा

काठमाडौं । चिलिमे हाइड्रोपावर कम्पनी लिमिटेडले आर्थिक वर्ष २०८१/८२ का लागि कुल १२ प्रतिशत लाभांश वितरण गर्ने प्रस्ताव गरेको छ। कम्पनीले हाल कायम चुक्ता पूँजी ८ अर्ब ७८ करोड रुपैयाँको आधारमा करिब १ अर्ब ५ करोड रुपैयाँ बराबरको लाभांश वितरण गर्ने जनाएको हो।

पुस ८ गते बसेको कम्पनीको ४४९औँ सञ्चालक समितिको बैठकले सो दरमा लाभांश प्रस्ताव गर्ने निर्णय गरेको हो। प्रस्तावित लाभांशमध्ये ८ प्रतिशत बोनस सेयर रहेको छ, जसको मूल्य करिब ७० करोड २५ लाख रुपैयाँ हुन्छ। त्यसैगरी, ४ प्रतिशत नगद लाभांश (कर सहित) करिब ३५ करोड १२ लाख रुपैयाँ बराबरको रहेको छ।

सञ्चालक समितिको उक्त प्रस्ताव पारित गर्न कम्पनीले पुस ३० गते २९औँ वार्षिक साधारण सभा बोलाएको छ। साधारण सभा तथा लाभांश वितरण प्रयोजनका लागि कम्पनीले पुस १७ गते एक दिनका लागि बुक क्लोज गर्ने निर्णय गरेको छ। यस अनुसार पुस १६ गतेसम्म नेप्सेमा कारोबार भई कायम रहेका सेयरधनीहरूले साधारण सभामा सहभागिता जनाउन र प्रस्तावित लाभांश प्राप्त गर्न सक्नेछन्।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?