युनिलिभर नेपालको लाभांश घोषणा, प्रतिकित्ता १ हजार ५४० रुपैयाँ नगद लाभांश दिने

काठमाडौं । युनिलिभर नेपाल लिमिटेडले आर्थिक वर्ष २०८२/८३ को मुनाफाबाट सेयरधनीलाई प्रतिकित्ता १ हजार ५४० रुपैयाँ नगद लाभांश वितरण गर्ने प्रस्ताव गरेको छ ।

कम्पनीको १९७औँ सञ्चालक समिति बैठकले उक्त लाभांश वितरण गर्ने निर्णय गरेको हो । सन् २०२६ अक्टोबर ३० (२०८३ कात्तिक १४) मा भर्चुअल माध्यमबाट बसेको बैठकले आर्थिक वर्ष २०८२/८३ को लेखापरीक्षण गरिएको वार्षिक वित्तीय विवरण स्वीकृत गर्दै लाभांश प्रस्ताव गरेको कम्पनीले जनाएको छ ।

प्रस्तावित लाभांश कम्पनीको वितरणयोग्य मुनाफाबाट प्रदान गरिनेछ । सञ्चालक समितिको निर्णयअनुसार लाभांश प्रयोजनका लागि आगामी मंसिर ९ गतेदेखि २३ गतेसम्म सेयर दाखिला खारेज (बुक क्लोज) गरिनेछ ।

यसअनुसार बुक क्लोज हुनुअघि कम्पनीको सेयरधनी दर्ता पुस्तिकामा कायम रहेका सेयरधनीले प्रस्तावित लाभांश प्राप्त गर्न सक्नेछन् ।

नेपाल स्टक एक्सचेन्ज (नेप्से) मा कम्पनीको सेयरको पछिल्लो कारोबार मूल्य प्रतिकित्ता ४८ हजार १ रुपैयाँ रहेको छ । युनिलिभर नेपालले विगतका वर्षहरूमा पनि सेयरधनीलाई उच्च नगद लाभांश वितरण गर्दै आएको छ ।

कम्पनीको लाभांश इतिहास:

* आर्थिक वर्ष २०८२/८३ को लाभांश सञ्चालक समितिबाट प्रस्तावित हो। साधारणसभाबाट अनुमोदन हुन बाँकी छ। लाभांश प्रतिशत प्रतिकित्ता १०० रुपैयाँ अंकित मूल्यका आधारमा हो।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?