दूधपोखरी चेपे हाइड्रोपावरले आइपिओ निष्काशन गर्दै, बिक्री प्रबन्धकमा मुक्तिनाथ क्यापिटल नियुक्त

काठमाडौं, असोज २४ – दूधपोखरी चेपे हाइड्रोपावर लिमिटेडले आफ्नो प्रारम्भिक सार्वजनिक निष्कासन (आईपीओ) का लागि मुक्तिनाथ क्यापिटल लिमिटेडसँग निष्कासन तथा बिक्री प्रबन्धकको रुपमा सम्झौता गरेको छ।

उक्त सम्झौतामा दूधपोखरी चेपे हाइड्रोपावरको तर्फबाट अध्यक्ष सबिन प्रधानाङ्गले हस्ताक्षर गरे भने मुक्तिनाथ क्यापिटलको तर्फबाट प्रमुख कार्यकारी अधिकृत (सीईओ) कबिन्द्र धोज जोशीले हस्ताक्षर गरे।

दूधपोखरी चेपे हाइड्रोपावर लिमिटेडले गोरखा–लमजुङ सिमानास्थित ऐतिहासिक चेपे खोलामा ११ मेगावाट क्षमताको जलविद्युत आयोजना निर्माण गरिरहेको छ। विसं २०७४/७५ देखि आयोजना सम्बन्धी मुख्य स्वीकृति, ग्रिड कनिक्शन तथा विद्युत खरिद सम्झौता (PPA) प्राप्त गरिसकेको यस आयोजनाको हालसम्म ७८ प्रतिशत निर्माण कार्य सम्पन्न भइसकेको छ। कम्पनीले आयोजना आगामी २०८२ सालको चैत्र मसान्तसम्म पूर्णरुपमा सम्पन्न गर्ने लक्ष्य लिएको छ।

आयोजनाको अन्तिम चरणको निर्माण लागत जुटाउन कम्पनीले १ सय रुपैयाँ अंकित दरमा २० लाख २० हजार कित्ता साधारण शेयर सार्वजनिक निष्कासन गर्ने योजना बनाएको छ, जुन कुल जारी पूँजीको २० प्रतिशत हो।

कम्पनीका अध्यक्ष प्रधानाङ्गले आईपीओ निष्कासनले लगानीकर्तासँगको सम्बन्ध थप सुदृढ गर्ने र नेपालको जलविद्युत क्षेत्रमा लगानी प्रवर्द्धन गर्न सहयोग पुग्ने विश्वास व्यक्त गरे।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?