सान्जेन जलविद्युत कम्पनीको आयोजना प्रभावित रसुवाका स्थानीयको शेयर लकिङ सकिदै

काठमाडौं। सान्जेन जलविद्युत कम्पनी लिमिटेडले आयोजना प्रभावित रसुवा जिल्लाका स्थानीय बासिन्दालाई बाँडफाँड गरिएको शेयरको रोक्का अवधि (Lock-In Period) समाप्त हुने जनाएको छ। कम्पनीले २०७९ साल मंसिर २९ गते बाँडफाँड गरेको १० प्रतिशत अर्थात् ३६ लाख ५० हजार कित्ता साधारण शेयरको तीन वर्षे रोक्का अवधि २०८२ साल कार्तिक २८ गते (१४ नोभेम्बर २०२५) पश्चात समाप्त हुने भएको हो।

कम्पनीले नेपाल धितोपत्र बोर्डको मिति २०८०/०८/२५ को पत्र संख्या २०८०/०८१, चलानी नं. १५२३ अनुसार सूचना जारी गर्दै लकिङ खुला गरिएको जनाकारी गराएको हो। रोक्का अवधि पूरा भएपछि आयोजनाबाट प्रभावित रसुवाका स्थानीय बासिन्दाले दोस्रो बजारमा शेयर कारोबार गर्न सक्नेछन्।

सान्जेन जलविद्युत कम्पनीले नेपाल धितोपत्र बोर्डको निर्देशन अनुसार सबै शेयरधनी, नियमनकारी निकाय तथा सरोकारवालालाई जानकारीका लागि यो सूचना सार्वजनिक गरेको जनाएको छ।

कम्पनीका अनुसार रोक्का अवधिमा रहेका शेयरको संख्या ३६ लाख ५० हजार कित्ता रहेको र ती शेयरको रोक्का अवधि २०८२/०७/२८ पछि समाप्त हुनेछ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?